钱镠

錢鏐 （850年3月10日— 932年5月6日），字具美（一作巨美），浙江杭州臨安人。中國五代十國個辰光吳越國個創立人。小名「婆留」。

吳越武肅王錢鏐

唐末跟從石鏡鎮將軍董昌鎮壓農民反抗軍，做之鎮海節度使，乾寧年間，打敗董昌，佔有兩浙十三州，後梁開平初年封吳越王。907年到932年在位期間，曾經徵用民工，造之錢塘江海塘，又勒太湖流域，普造堰閘，以時蓄洪，弗怕旱澇，還建立水網圩區個維修制度，有利於吳越地區個農業經濟發展。

因為吳越國小力弱，又搭鄰近個南唐、閩政權關係弗好，妥靠中原王朝，弗斷遣使進貢來尋求庇護。先臣服後梁，又臣服後唐。後唐明宗個辰光因為惹怒之樞密使安重誨，官職畀渠削脫，安重誨死後又恢復。長興三年（932年）病死，安葬勒安國縣衣錦鄉茅山，諡號武肅王。

生平

錢鏐出生勒臨安縣大官山（後稱功臣山）下個錢塢壠。父親叫錢寬，母親是水丘氏，一家以農耕打漁為生。傳說錢鏐出生個辰光突然出現紅光，而且外表奇醜，俚個爺本生想拿俚丟脫，但不過因為俚個阿婆憐惜，最後得以保全性命，因此錢鏐小名叫「婆留」（「阿婆留其命」個意思）。錢鏐從小弗歡喜讀書，偏好習武，勒十六歲個辰光就棄學販鹽。搿許辰光私販鹽料是官府嚴厲禁止個，但不過因為利潤相當高，因此錢鏐鋌而走險，勒杭州、越州（今紹興）、宣州等地販賣私鹽搭糧食。搿段販賣私鹽個經歷，鍛煉之錢鏐個身體搭膽略，也幫俚下來個發展提供之充足個經濟基礎。

十七歲開始，錢鏐苦練硬弓長矛，讀之點《孫子兵法》，史書浪講俚「善射與槊，稍通圖緯諸書」。到廿一歲個辰光，俚勒石鏡鎮當之個「義兵」，拿小名「婆留」改為大名「鏐」，所以叫「錢鏐」（俚是金字輩，並取「留」字音，所以改成「鏐」）。因為錢鏐武藝高強，受到石鏡鎮指揮使董昌個重用，經過平定王郢、朱直管、曹師雄、王知新等叛亂之後，逐漸提拔為偏將、副指揮使、兵馬使、鎮海軍右副使等職。

879年（唐僖宗乾符六年七月），黃巢起義軍進犯臨安。錢鏐以少敵多，巧妙運用伏擊搭虛張聲勢等戰術，阻止之黃巢軍個進攻。

880年（唐僖宗廣明元年），唐朝內亂四起，為之保護地方安定，董昌、錢鏐聯合各縣民團，建立「八都軍」（臨安縣「石鏡都」、餘杭縣「清平都」、於潛縣「於潛都」、鹽官縣「鹽官都」、新城縣「武安都」、唐山縣「唐山都」、富陽縣「富春都」搭龍泉縣「龍泉都」）。第二年，錢鏐授「都知兵馬使」，注意團結各都力量搭下層頭目，還拿俚個兄弟錢鎰、錢鏵、錢鏢，還有倪子錢元璙、錢元瓘等人安插到部隊中做將領，從而拿八都軍逐漸培養成堅強個嫡系部隊。

唐末、五代個辰光所稱「兩浙十四州」，包括現在浙江全境搭江蘇長江以南部分地區。758年，江南東道下屬個浙江東道搭浙江西道共有十四州，其中除脫潤州搭常州，再加上福建個福州搭臨安縣個安國衣錦軍，一共為一軍十三州，號稱「十四州」，搿個是錢鏐創立個吳越國個大致範圍。

開疆拓土（875年-896年）從討伐王郢起，錢鏐身經百戰，先後搭劉漢宏、董昌等地方主要軍閥作戰，最終平定之兩浙範圍內個敵對勢力，建立之鞏固個地方割據政權。

882年7月起，佔據浙東個義勝軍節度使劉漢宏發兵西進，想要吞脫浙西。董昌、錢鏐領八都軍勒錢塘江邊禦敵。因為出奇制勝，加上利用江浪夜霧遮掩，錢鏐突襲敵營，獲得首勝。之後，又勒江干、富陽、諸暨、蕭山西陵等地幾次打敗劉軍。最後，劉漢宏親自督戰，領十萬大軍搭錢鏐勒蕭山西陵一帶決戰，結果畀錢擊潰，劉本人化妝成屠戶逃脫哉。搿一趟西陵大捷，是錢鏐取得個第一次重大戰果，據說，從此錢鏐拿西陵改名為西興一直到現在（現在錢江三橋又名「西興大橋」）。

此後，劉漢宏還是弗斷騷擾浙西，讓董昌搭錢鏐決心徹底平定浙東之患。886年10起，錢鏐只用之2個月左右個辰光，就領軍攻破之越州，拿抓牢個劉漢宏斬勒會稽街市浪。此後，錢鏐為杭州刺史，董昌升任浙東觀察使、檢校太尉、隴西郡王等職。

董昌搿個人昏庸殘暴，野心日漲，隨後就即位稱帝，國號大越羅平，改元順天。895年2月，唐朝封錢鏐為浙東招討使，讓俚討伐董昌。但不過錢鏐起初感念董昌提攜之恩，猶豫弗決，但董昌倒是聯合淮南楊行密偷襲蘇州、杭州，最終讓錢鏐下定決心，攻克越州。董昌勒押付杭州途中，心存慚愧，投江自殺。從此，錢鏐基本控制兩浙，勒896年10月，升鎮海、鎮東軍節度使，加檢校太尉，兼中書令。

897年8月，鑑於錢鏐招討董昌有功，唐昭宗特別賜金書鐵券畀俚，免脫俚本人九死或子孫三死，搿件鐵券後經宋代陸游、明代劉基等人幫俚寫跋，還呈宋太宗、宋仁宗、宋神宗、明太祖搭清高宗等五位帝王御覽，也曾遺落民間，現在保存勒浙江省博物館。900年，為之表彰錢王個功績，唐王朝派人取錢鏐畫像，懸於凌煙閣。

保衛鞏固（896年-919年）錢鏐勒平定之兩浙內部個敵對勢力之後，基本停止之大規模個征討。但因為三面受敵，還是經歷之弗少邊境保衛戰，有種辰光還拿戰鬥延伸到江西個信州（今上饒）搭虔州（今贛州）等地。俚個主要對手就是淮南軍閥楊行密搭內部個「徐許之亂」。

錢鏐搭楊行密個關係一歇歇好，一歇歇壞，體現勒五代十國亂世個特點浪。雙方個衝突持續之三十年，其間錢曾經出兵援助楊擒斬孫儒、安仁義等叛逆，並正式通婚，但不過也因董昌之戰等發生過激烈個戰鬥。最後通過兩次衣錦軍保衛戰搭一次浪山江水戰，再結束之雙方個敵對狀態。從此兩浙地區進入之休養生息個安定建設階段。

902年，錢鏐暴封為越王弗久，俚個部下徐綰搭許再思起兵叛變，讓錢鏐大傷元氣。最後錢鏐支付之二十萬緡犒軍錢，再派兩個倪子作為人質，才讓叛軍撤兵。搿次內亂後，錢鏐吸取之教訓，治國更加謹慎。

904年畀後梁封為吳王；907年，後梁封錢鏐為吳越王，吳越國自此創建。

內政治理（919年-932年） 勒西湖柳浪聞鶯處的錢王祠正門結束之搭周邊敵對勢力個戰爭後，錢鏐開始轉向對內個大規模經濟搭文化建設。890年，錢鏐開始着手建設杭州城，先後造之夾城、羅城搭子城，城區範圍個四至分別是：南到六和塔；東至侯潮門搭艮山門一線；北達武林門；西臨涌金門搭清波門一帶。錢鏐勒客觀浪為杭州成為南宋個都城打下之基礎。

錢王還勒城內開鑿水井（據說杭州個百井坊巷原有99眼，就開鑿勒搿許辰光），造錢塘江堤，為杭州個飲水淡化問題，做出之交關大個貢獻。此外，錢鏐搭俚個繼承者崇信佛教，前後修建之弗少寺院佛塔，讓杭州勒搿許辰光就有「佛國」之稱。其中著名個靈隱寺、淨慈寺、昭慶寺等寺院，還有雷峰塔、六和塔、保俶塔、閘口白塔搭臨安功臣塔等儕是勒吳越國個辰光興建或擴建個。

錢鏐勒內政建設浪個主要成就體現勒修築海塘搭疏浚內湖浪。910年起，錢鏐上書後梁朝廷，指出「目擊平原沃野，盡成江水汪洋，雖值干戈擾攘之後，即興築塘修堤之舉。」，並開始着手修築錢塘江沿岸石塘。因為錢江潮汛，工程進展困難，後錢鏐以竹器填以巨石，再奠定之基礎。當時修築的石塘，從六和塔一直到艮山門，長33萬8593丈。此外，錢鏐還重點抓疏浚西湖、太湖搭鑑湖等工作。搿許辰光俚設置之7000名撩湖兵，專門從事西湖個開浚工作後代個蘇軾也是勒參考之錢鏐治湖個經驗浪，再開始大規模疏浚西湖。

因為錢鏐勒俚個晚年堅持保境安民政策，弗參與軍閥混戰，而且對內統治相對廉潔清明，讓搿段辰光杭州個發展超越之中原地區個弗少大城市，成為之東南地區個經濟中心。

家眷

妻

• 莊穆夫人吳氏
• 昭懿夫人陳氏，名字、家世、籍貫均不詳，生子文穆王錢元瓘。死後追贈晉國太夫人，諡昭懿。
• 慶安夫人胡氏，生子宛陵縣侯錢元璣、永嘉縣侯錢元璲。
• 母金氏，生子金華郡宣惠王錢元懿、扶南侯錢元球、巒州刺史錢元玧、錢元璫、錢元珣。

子嗣

• 錢鏐長子錢元璉，原名錢傳璉。母昭懿夫人陳氏。
• 錢鏐第二子錢元璣，原名錢傳璣，寧國軍節度使、同平章事、檢校太傅，封宛陵縣侯，追封寧國公。母慶安夫人胡氏。
• 錢鏐第三子錢傳瑛，大同軍節度使，封霅國公。母莊穆夫人吳氏。同母兄弟錢傳璟、錢元璙、錢元㻑、錢傳璛、錢元琳。
• 錢鏐第四子錢元璲，原名錢傳璲，溫州刺史，封永嘉縣侯。母慶安夫人胡氏。
• 錢鏐第五子錢元懿，原名錢傳懿，母金氏。職至同中書門下平章事、太師、中書令。爵金華郡王，諡宣惠。
• 錢鏐第六子錢元璙，原名錢傳璙，追封廣陵宣義王。母莊穆夫人吳氏。
• 錢鏐第七子錢元瓘，吳越文穆王。母昭懿夫人陳氏。
• 錢鏐第八子錢元(王瞿)，原名錢傳(王瞿)，餘姚縣侯，金吾衛大將軍。
• 錢鏐第九子錢元球，原名錢傳球，大彭縣侯，扶南侯，明州置制使（937年被錢元瓘處決）
• 錢鏐第十子錢元㻑，原名錢傳㻑，金華縣侯，義州刺史

錢元(玉亢)

錢元琢

錢元璞

新安侯 錢傳璛（錢傳琇）

霅國公 錢傳璟

錢元璫

錢元珣

錢元

錢元琛

錢元瑾

扶南侯 錢元球（937年被錢元瓘處決）

淮陰侯 錢元珦（937年被錢元瓘處決）

吳興侯 錢元琳

錢塘侯 錢傳璞

靜海軍節度使 錢元祐

錢元裕

刺史 錢元弼

追封寧明王 錢元璝

錢元璠

錢元勖

錢元禧

蘇州刺史 錢傳蒨

溫州刺史 錢元邧

錢元圭

駙馬都尉 錢傳（錢傳珍）

鎮海軍節度副使 錢傳瓘

巒州刺史 錢傳琰

參考文獻

新五代史·吳越世家

舊五代史·世系列傳二

《錢鏐》 浙江人民出版社1983年版

《淺談錢鏐的治國方略及歷史功績》 李洪華 《浙江檔案》2004年第1期

《唐昭宗賜錢鏐鐵券》 王銘 《浙江檔案》2002年第5期

吳越主題頁面