绍兴市
中国浙江省个地级市 From Wikipedia, the free encyclopedia
Remove ads
紹興市是中國浙江省下頭個一個地級市，古代個辰光叫作越州、會稽、山陰，簡稱越，有2500年個歷史。
Remove ads
歷史
紹興老早是越人個聚居地，春秋辰光成為越王勾踐個國都，以此地為基礎，成就東亞霸主個地位。到戰國辰光，楚國征服越國。紹興也受到個辰光楚國文化個交關影響，戰國末期秦國征服楚國後，楚國大將個兒子項羽逃到會稽，從小來勒紹興長大。後頭伊帶八千江東子弟，橫掃北方中原，沒有敵手。
到六朝辰光，紹興成為東南地區個重鎮，交關有名望個門閥儕來勒山陰，會稽兩個地方。永和九年，江南門閥望族來勒山陰個蘭亭聚會，書聖王羲之寫出蘭亭集序,成為東方書法個代表作品。
五代到北宋，紹興屬兩浙十三州個兩浙東路，是兩浙東路個首府。南宋紹興年拿伊名字從越州改成紹興，取「紹祚中興」個意思，再升紹興府，是兩浙東路首府搭仔南宋陪都。
紹興個繁榮持續辰光相當長，從隋唐一直到明朝，湧現交關名士。紹興師爺也成為帝國官場當中個標準配置。
地理
紹興市勒拉浙江省中北部，錢塘江南岸，蕭甬鐵路搭仔杭甬高速公路上，杭州、寧波當中，西北去杭州67公里，東到寧波要108公里。紹興勒拉浙東丘陵北部，寧紹平原中部，地勢南高北低，會稽山縱貫市境，西面是諸暨盆地，東面是新嵊盆地；曹娥江橫穿紹興，向北流進錢塘江，還有杭甬運河東西橫穿紹興城，紹興市市區水網密布，有水城越都、「東方威尼斯」個講法。
方言
紹興境內通行太湖片吳語，北部紹興本市個言話屬於漢語族吳語太湖片區臨紹小片，搭周邊個寧波、上海可以互通，是現代語言學上吳語四大傳統方言基準點之一。紹興話同大多吳語一樣有全濁聲母，沒舌尖後音；弗分尖團，沒兒化；聲調保留中古四聲，各分陰陽；所以紹興話有發音爽亮，吐字質樸、沉實，聲、韻、調排列嚴整等特點。
名人
名人輩出，有魯迅，蔡元培，勾踐，文種，范蠡、馬臻，劉寵（一錢太守）、王朗（三國會稽太守）、王羲之、謝安、王獻之、謝玄、謝靈運、謝琰、賀知章、陸游、唐琬、王冕、楊維楨、張岱 (明)、徐渭（徐文長）、陶行知、邵力子、范文瀾、馬一浮、許壽裳、俞大維、竺可楨、馬寅初、陳建功、錢三強、杜亞泉、俞大紱、徐錫麟、秋瑾、周建人、陶成章、張秋人、俞秀松、陳伯平、陳儀、金炳華、李富榮、朱自清、周作人、孫優賢、周立偉、鍾群鵬、馮長根、潘家錚 鄭吉昌、章培恆、胡海牙、陳道明、六小齡童、王晶（生垃香港）、何傲兒、謝晉、曾培炎、俞正聲、徐光春、尉健行
經濟
紹興個紡織業、小電機、節能照明、生物釀造業邪氣發達。紡織業出口產品占世界紡織面料交易額個60%，紹興中國輕紡城是世界頂頂大個紡織品交易市場。全市有國家重點扶持個高新技術企業260家，是浙江省唯一個「全國技術創新工程示範城市」。酒釀唻邪氣好，紹興個黃酒非常有名氣，出名個有花雕咾啥個，紹興酒還是非物質文化遺產。
交通
紹興境內有104國道搭329國道。擁有6條高速公路。
名勝
紹興蠻好個風景有：安昌古鎮（臘月風情）、魯迅故居（從百草園到三味書屋）、蘭亭東湖（十里山水）、盆景沈園（千年愛情）、大禹陵、倉橋直街、八字橋、新昌大佛寺、秋瑾碑、黃帝陵、越王廟、吼山。
柯岩、鑑湖、魯鎮、香林等地方是國家4A級景區。
烏篷船是用腳划動個黑棚木船，是紹興地區特有個，現成為旅遊特色。
參考資料
Wikiwand - on
Seamless Wikipedia browsing. On steroids.
Remove ads