長安街

長安街是中國北京個西長安街搭東長安街個總稱，廣義浪還包括東、西延長線，是北京重要個東西軸線，有段辰光畀認為是世界浪頂長、頂闊個路，也是中國最重要個路之一。^[1][2]，勒中國有人認為是「神州第一街」^[3]。長安街東起東單，西到西單，天安門勒長安街最當中個北面，天安門廣場勒俚個南面。街從天安門分兩段，就是西長安街搭東長安街。從東單朝東面一直到通州區，搭仔西單朝西一直到石景山區個長安街延長線有辰光也用長安街該隻名字來喊。長安街個地理位置特別，還有符號意義，一經儕是北京甚超至於中國政治個代名詞之一^[4]。