陈从周

陳從周（1918年11月27號－2000年3月15號），原名郁文，字從周，以字行，晚年號梓翁。原籍浙江紹興，在拉杭州出生，是20世紀江南地區頂有名個古建築搭仔古園林專家，對吳越地區個園林建築修復有邪氣大個貢獻。20世紀阿末20年，伊主持修復仔交關建築，包括南京瞻園、寧波天一閣、上海城隍廟、如皋水繪園咾啥。伊也是有名個園林搭仔建築作家，出版歇個自家作品包括《蘇州園林》、《揚州園林》、《園林談叢》、《說園》、《紹興石橋》、《春苔集》、《書帶集》、《簾青集》、《山湖處處》、《梓室餘墨》咾啥。個當中，《說園》五篇為頂重要個作品。