鸟篆

鳥篆是篆書個一種，俚個筆畫由鳥形替代，弗僅裝飾風格獨特，還有深刻個象徵意義。以飛鳥來書寫表達之中國古人所推崇個一種為人之道。鳥不僅代表之守信個人格，也是信息傳遞迅速個象徵。鳥篆個名稱由來：篆體古文字。形狀像鳥個爪跡，所以搿浪叫。

歷史

鳥書是中國象形書法之一，一直搭蟲書並稱。以鳥為圖，每個字是以幾花鳥型連貫構成個。清咸豐八年楊灝所書「祖賜百福」中，就有鳥書一體。查證春秋戰國個辰光個鳥書，三千多年前青銅器時代個產物，刻勒銅器浪或系插圖個一種藝術字演變。鳥蟲篆是拿漢字篆書線條表現形式轉換成裝飾性個鳥形、蟲形搭魚形等動物紋飾，或者拿筆畫盤曲、纏繞，讓俚像抽象個動物形狀個一種文字。 鳥書勒春秋中後期到戰國時代盛行於吳國、越國、楚國、蔡國等南方國家，鳥書多見於青銅器銘文，湖北宜昌附近出土個越王勾踐劍，上頭個八字銘文就是鳥形字。

搭吳越個關係

目前大概有264個弗重複鳥篆,有種是形體蜿蜒細長，有種是勒常用字形體浪附加或融合以鳥形為主個裝飾成分。鳥篆出現勒春秋中期,盛行勒春秋、戰國之際,到戰國末期就慢慢較變少哉。現存資料表明銘鳥篆文器物最早出現勒楚國。之後受到楚文化個影響吳國搭越國也出現鳥篆,其中越國銘鳥篆器物數量最多,體現之鳥篆個地域文化特點。目前發現個銘鳥篆器物大多數儕是吳國搭越國個，鳥篆也是古代吳越地區重要文化組成部分，其中最出名個鳥篆器物就是越王勾踐劍。