马库斯·李锡尼·克拉苏

麻摑撕·李錫尼·克拉蘇（拉丁語：Marcus Licinius Crassus Dives，前115年-前53年）是羅馬共和國晏末階段個寡頭政客替富豪，伊出身高貴，對理財搜刮邪氣有研究，立在絡幾維·闊拿武·蘇拉專斷當中，選擇支持蘇拉，獲得政治資本。之後，立在斯巴達克斯起義當中，受羅馬元老院任命，絞殺奴隸起義。之後，搭駕駑士·龐培媾和，一淘擔當執政官。到公元前60年左右，伊拉兩個人搭突然冒起個久力撕·愷撒串通，陰謀構成前三頭同盟，遙控羅馬元老院。搭其餘兩個巨頭相比，克拉蘇個鈔票確實多，弗過戰績比較一般，為標榜自家功勞，撈取政治資本，伊立在第二趟執政官任期結束之後，自請擔任敘利亞總督，對帕提亞帝國宣戰，弗過立在萊卡會戰當中，畀波斯軍隊徹底打敗，伊自家也畀人殺脫。伊個死，也讓三巨頭同盟破裂，之後四年，[[久力撕·愷撒]就跨越盧比孔河，進入羅馬，開始大權獨攬。