龙柏街道
From Wikipedia, the free encyclopedia
Remove ads
龙柏街道是上海市闵行区老底子一隻街道，东到新泾港、虹桥镇、虹井路，西到北横泾，北到长宁区，南到七宝镇、虹桥镇，面积4.54平方公里[1]，2000年成立，2010年拆分撤销哉[2]。
历史
街道建立前
1949年5～7月，上海市军事管制委员会新泾区接管委员会先后设5隻办事处，管理6隻镇、69隻行政村、386隻自然村。1950年6月份，因为龙华区面积忒大，虹桥镇蒲汇塘以南部分划畀新泾区，设虹桥乡搭仔新泾乡。[3]。伊辰光，箇地方是西郊村，归新泾乡管。[3]1956年3月份，新泾、虹桥两镇帮新泾区一道撤销，并进西郊区[4]。1958年8月份，上海市西郊区诸翟、宝北、宝南、莘庄、朱行、西郊6乡，七宝镇全部搭仔虹桥、华村、上中、华漕4乡部分地区划畀上海县[5]。
1992年7月份，虹桥乡西郊村划畀长宁区新泾镇，农副工业管理也划畀长宁区[6]。同年，上海县撤销改闵行区，虹桥乡撤乡改镇。1994年，为咾解决西郊村“一块土地，两隻政府”个问题，西郊村再划畀虹桥镇，闵行、长宁东面按照徐虹支线、西面按照沪青平公路中心线重划区界。[6]
街道成立
1997年，龙柏新村街道成立，主要是原虹桥镇西郊村、先锋村、华光村地块，辖区包括龙柏新村、金汇花园、华光村。[7][6]
拆分撤销
2009年9月份，根据“大虹桥”地区发展方案，龙柏街道办事处消息人士表示，要沿牢沪青平公路成立“新虹桥街道”，拿龙柏街道撤销脱。[10]
上海市人民政府下发文件仔么[11]，闵行区勒垃同年10月24号举行新虹街道成立大会，撤销龙柏街道，龙柏街道个箇批人基础建立新虹街道，暂驻航西路1号。新虹街道帮七宝镇、虹桥镇个分界是沪渝高速[12]。根据箇拆分方案，龙柏新村、金汇花园、虹光村侪划畀虹桥镇；航华新村片区一劈两，沪渝高速南面分畀七宝镇；外环线以西、沪渝高速以北个划畀新虹街道[13]。
Remove ads
知名人物
“开心小屋”
鲍美利是位声乐教师，退休前勒垃上海乐团做生活。1996年，鲍美利一家从黄浦区原人民广场街道动迁动到龙柏三村。2006年，居委会组织社区老年人开座谈会，鲍美利就勒垃屋里向开仔一礼拜一趟个“爱心小屋”活动，深受当地居民好评。箇活动模式搭仔经验畀其他地方认为是“开创邻里养老新路”[14]。鲍美利夫妇也因此勒垃2012年4月份进仔中央文明办发布个“中国好人榜”[15]。
参见
参考
Wikiwand - on
Seamless Wikipedia browsing. On steroids.
Remove ads