2007年加沙地带争夺战
From Wikipedia, the free encyclopedia
Remove ads
阿拉伯文講：معركة غزّة﹞ 總結：阿拉法特（勒2004年11月）死脫後，哈馬斯贏着2006年巴勒斯坦大選，伊搭弗甘心受巴勒斯坦解放組織（法塔赫）個擺布，勒2007年6月12號至6月14號通過武裝衝突從法塔赫手裏頭完全奪取加沙地帶個控制權。
傷亡：雙方120個人死脫，
550人受傷。
背景
6月10號，哈馬斯武裝分子挾持仔一星個法塔赫成員，撥一個叫Mohammed Sweirki個總統侍衛從加沙頂高個15層大樓摜向大街。法塔赫武裝分子為着報復，殺脫一間寺廟個主持Mohammed al-Rifati。隨即又向首相伊斯梅爾·哈尼亞（Ismail Haniya）個居所開火。勒半夜之前，有個哈馬斯個武裝分子也拔人從12層高樓摜向大街。
6月11號，法塔赫個領導人——巴勒斯坦自治政府主席阿巴斯，搭當時個哈馬斯首相哈尼亞家舍同時遭人用自動槍搭炸彈襲擊。
襲擊開始
6月12號幾百個哈馬斯武裝分子開始攻擊撥法塔赫佔領兩隻據點。三個小時後就佔領着搿星地方。
加沙地帶
有個目擊者同法新社搭話：北面一個法塔赫基地叫做Jabaliya個城市已撥哈馬斯佔領哉。加沙市法塔赫總部周圍發生頂嚴重個械鬥，哈馬斯武裝分子搬來火箭炮搭交關自動武器一陣子狠打。
6月13號，哈馬斯佔領加沙北部原本系法塔克控制個國家安全部。槍手以高樓大廈做據點猛烈開火，中午哈馬斯講己經消滅一個居勒加沙南北大道浪個法塔赫據點。
到下午，同法塔赫有聯繫個保安部隊總部撥人炸毀，裏頭死脫五個人。
6月14號，哈馬斯槍手終於衝進保安總部個中央大樓。哈馬斯成員展示自治政府個戰車搭仔武器。根據伊搭講，搿星武器儕是近來兩月以色列搭美國由埃及偷運去加沙送拔法塔赫個。
6月14號下午，美聯社報道加沙市繼續有爆炸。據法塔赫官員個說話是保安部隊撤走後炸脫搿星崗位，弗好白白送拔哈馬斯。來歇保安部隊轉去別個地方駐守哉。
同一日哈馬斯宣告控制仔加沙地帶個南部，並讓以色列、巴勒斯坦搭歐盟個保安部隊去監察城市拉法。歐盟個部隊事前已經以安全理由撤出去以色列城市Ashkelon。
政治後果
巴勒斯坦自治政府主席阿巴斯宣布解散國會、進入緊急狀態。巴勒斯坦自治政府首相伊斯梅爾·哈尼亞（Ismail Haniya）撥人逼宮，阿巴斯想透過主席令同時統治加沙搭西岸。
哈馬斯個發言人山米·阿布·祖赫里（Sami Abu Zuhri）隨即回應講：阿巴斯個決定是「習慣個做法... 來歇弗值一個銅鈿」，而哈尼亞哩：「就算伊個主席撥辭退依然是政府首腦」。
國際浪個態度
美國、歐盟搭以色列，一邊到支持實際控制西岸個巴勒斯坦自治政府。6月18號，美國、歐盟分別宣布，同巴勒斯坦自治政府恢復正常關係，恢復經濟援助，以色列破天荒拿巴人自治政府叫做「夥伴」，而且撥哈馬斯上台辰光凍結個關稅，一古腦兒移交撥巴勒斯坦自治政府。
外部連結
看看別個加沙事體
Wikiwand - on
Seamless Wikipedia browsing. On steroids.
Remove ads