2010年上海世界博覽會

2010年上海世界博览会（下简称上海世博会），是第41届世界博览会，于2010年5月1号至10月31号勒上海举行。本届世博会是首趟由发展中国家主办综合性世博会。本届世博会个主题是“城市，让生活更美好（Better City, Better Life）”。本届世博会亨八冷打有得256个国家交地区及国际组织参展，吸引世界各地7308万人次参观者前往。目前最新资料显示，中华人民共和国政府勒上海世博会浪个总投资额达到450亿美元，是世界博览会史上最大规模，外加也远超2008年勒北京举办个第29届奥运会^[1]。

相关问题交批评

沙特馆排队处地面个垃圾。

• 场面混乱：有部分中国游客因为拿弗到中国馆预约券而鼓噪，抢夺预约券，有部分游客甚至冲进中国馆交攻击派票子个公安民警，场面极为混乱^[2]。
• 众多前往世博会现场个游客反映，世博会园区内出售个食品价格忒贵^[3]。一碗面条需要38块人民币，而一份客饭好卖60块人民币。^[4]
• 推广歌曲涉抄袭：《2010等侬来》（Right Here Waiting for You 2010）是勒2010年3月30号畀定为2010年上海世博会倒计时30天个推广歌曲，该歌曲由冈本真夜作曲、缪森抄袭、张鹏作词。渠个原版是来自于1996年日本东京个TBS电视所播放个电视剧《回来个第二趟机会》中个插曲《そのままの君でいて》，翻译为中文是《弗变个侬就好》，新加坡个音乐人颜毓添认为《2010等侬来》迭首歌每段个首个音符搭压末个音符交《弗变个侬就好》几乎完全一样。而从音乐个角度来考虑，渠个相似度超出仔8小节，已经构成了抄袭。事后上海世博会为平息迭趟事件，以版权费个名义支付了三亿日币个赔款畀原作。^{[5][6][7][8][9]}
• 据台湾媒体报导，上海世博会个人性化程度弗足，譬如园里向交通车数量弗够，交通管制范围大，安全检查标准推板邪搭，入口多而出口少咾啥。^[10]
• 德国馆首席专员也向上海世博局提出严厉抗议，指中国游客因排队弗耐烦，多次强闯展馆并出言侮辱德国人是“纳粹”，甚至推撞工作人员，情况“令人弗可容忍”。伊话，假使员工等安全问题未能得到保障，德国馆将“无限期关闭”。
• 2010年5月30号，韩国国家馆邀到多位热门韩国名星，准备勒30日夜里举行韩国音乐节。当局早前派发免费门票个辰光，引来成千上万“韩流”追星族索取门票，但因韩方派发部分门票后突然停发，引发骚乱，一名少女从二楼遭人潮推逼而落下来，之后引发人踩人骚乱，并造成另有一百多人受伤。现场目击者称，当局调遣上千名武警封馆处理，但上海世博官方网站31日早浪发布个消息，却间接否认脱网浪个传闻，只话发放过程中有个别游客中暑或擦伤，畀及时送往园区医疗点或附近世博定点医院妥善医治。引起抢票个韩国艺人包括Super Junior、安七炫、BoA等。^[11]