Debian自由软件指导方针

指導方針

自由個再發行。
包含原始碼。
允許修改搭衍生作品。
許可證可要求保持作者原始碼個完整性。（作為妥協）
禁止歧視人士或者組織。
禁止歧視用途。譬如弗可以禁止商業用途。
權利必須適用於程序再發行個所有受眾。
許可證弗可以特定於Debian。
許可證個規定弗可以牽涉到其他軟件。
GPL、BSD許可證搭Artistic是自由許可證個例子。^[1]^[2]

歷史

1997年7月，Debian自由軟件指導方針搭仔Debian社群契約第一屆發布^[1]。Ean Schuessler提出為發行版個許可政策提供一個正式保障個設想。指導方針個作者是布魯斯·佩倫斯搭箇辰光其他一些Debian開發者。

過落段辰光，開放源碼定義以DFSG為藍本寫成。DFSG個出現比自由軟件基金會個自由軟件定義要晏。來DFSG成為開放源碼定義後，自由軟件基金會創建人理查德·斯托曼覺着區分自由軟件搭開源軟件個必要，以之推廣自由軟件定義^[3]。1986年，自由軟件定義來第一個版本個GNU公告發布^[4]。值得注意個是，自由軟件定義個核心「四大自由」是來DFSG起草之前出現個，但必過DFSG個作者來箇辰光並弗曉得它個存在^[5]。

1998年11月，伊恩·傑克遜（Ian Jackson）等人來1.4版本個草案里提出一些修改，但必過嘸不應用到正式版里向。傑克遜表示指導方針個問題來勒「寬鬆個措辭」搭補丁條文方面^[6]。

到2011年為止，指導方針嘸不修改過，但必過社群契約做着一些修訂，影響了由指導方針控制個發行版部分。

Debian個常規決議（General Resolution）2004-003修改了社群契約^[7]。提案者Andrew Suffield說：

「規則是『箇項決議只修改措辭，弗修改精神』。對社群契約措辭個大部分修改更好個反映着它個本意，修正了剛開始寫個辰光朆考慮個問題。」^[8]

但必過一句「我里承諾保持Debian GNU/Linux發行版是完全自由個軟件」到「我里承諾Debian系統搭它個所有組件儕是自由個」個改變，讓發布管理者Anthony Towns做出一個實質變化：

「因為弗再限於『軟件』，並且箇決定是開發者來討論我里應該哪亨處理像文檔搭固件等非軟件內容個過程中做出個，我弗再擁護箇項政策決議以期好免除文檔、固件等內容，儘管社會契約已經修訂來涵蓋所有伊些領域。」^[9]

箇件事體催生着另一項常規決議2004-004^[10]，其中開發者以壓倒性票數決定推遲修改到下一個版本再應用（其開發來一年後個2005年6月開始）。

Remove ads

應用

軟件

有關DFSG個大部分討論來勒debian-legal郵件列表。來Debian開發人員第一屆上傳軟件包個辰光，ftpmaster團隊會檢查軟件許可證以確定它阿符合社群契約。來有困難個情況下底，團隊會來debian-legal列表裏商量。

非軟件內容

DFSG着眼於軟件，但「軟件」本身個範圍是弗確定個——有些人拿它應用到所有可以表示為比特流個物事，而少數認為它僅僅指電腦程式。此外，PostScript、可執行個腳本、源文檔等等也弗好界定。因此為仔打破混亂，2004年6月Debian項目決定拿相同個準則明確應用於軟件文檔、多媒體數據搭其他內容。Debian里向個非程序內容從Debian 4.0（2007年4月發布）開始嚴格符合DFSG。

GNU自由文檔許可證

由GNU計劃、Linux文檔計劃等寫個弗得了文檔用GNU自由文檔許可證授權，而其中包含個「弗變章節」弗符合DFSG。箇是長期討論搭常規決議2006-001個最終結果^[11]。

因為GNU自由文檔許可證個「弗變章節」，用它授權個內容必須放勒「非自由」（non-free）包庫里，弗作為Debian個一部分。

多媒體文件

有辰光蠻難界定啥個是多媒體文件個「源」，譬如朆壓縮個圖像文件阿是壓縮圖像個源，光線追蹤前個三維模型阿是它生成個圖像個源。

debian-legal測試

debian-legal郵件列表個訂戶創造着一些測試來檢查許可證阿符合DFSG。常見個測試（見DFSG FAQ草案^[12]）有下底幾種：

荒島測試。想像一個登勒荒島上個漂流者，佗有一台太陽能供電個電腦。此時完全弗可能滿足佗公開修改軟件或向特定個地方發送補丁個需求，就算佗可以接收但必過嘸不辦法發送郵件也是一樣個。因此為仔自由，軟件必須可以畀伊個罪過人個漂流者修改，佗還必須可以來島上合法個搭別人家分享修改。
持不同政見者測試。考慮一個登勒極權國家個持弗同政見者，佗想要搭另外一個持弗同政見者分享一個修改過個軟件，但弗希望讓政府曉得修改搭修改人個身份，甚至是佗囥有該程序個消息。任何向收件人以外個人發布原始碼修改個行為會讓佗變得危險。所以對Debian來說，自由軟件弗可以有任何超額發布。
邪惡觸手測試。想像一個軟件作者畀一家邪惡個大公司聘請，來公司個約束下底要做對用戶最壞個事體：尋佗里個私隱，破壞佗里個生活，讓佗里停止使用該程序，想盡辦法追究佗里個法律責任等等。同樣個事體可能發生勒一家畀大公司收購個公司，箇家大公司有意摧毀自由軟件來維持它個壟斷地位。因此為仔自由，許可證甚至弗可以讓軟件作者帶走必需個自由。