Debian

Debian是由自由软件组成个操作系统，由Debian计划（Debian Project）组织维护，以坚守Unix搭自由软件个精神闻名。

Debian桌面

Debian是一个大个系统组织框架，来箇只框架下底有多种操作系统核心个分支计划，主要是采用Linux内核个Debian GNU/Linux系统。弗得了Linux发行版，譬如讲Ubuntu、Knoppix等，侪是来Debian GNU/Linux基础高头开发个。

Debian上个软件管理系统是APT，共总有超过51000个软件包。

历史

1993年8月16号，美国普渡大学个学生子伊恩·默多克发表Debian。箇名称是拿佗当时女朋友个名字Debra搭佗自家个名字Ian Murdock拼出来个。^[1]

Debian计划最初发展得比较慢，来1994年搭1995年发布了0.9x版本，1996年发布了1.x版本。1996年，布鲁斯·佩伦斯接替伊恩·默多克成为著Debian计划个领导者。同年，开发者Ean Schuessler提议Debian要建立一份社群契约。经过讨论，布鲁斯·佩伦斯发表Debian社群契约搭著Debian自由软件指导方针，定义了开发Debian个基本承诺。

开发版本

来上开发个软件会畀上载到“弗稳定”（unstable）搭“实验性”（experimental）个分支上。上载到“弗稳定”分支上个软件通常是软件开发者发布个稳定版本。而呒不达到“弗稳定”分支要求个软件会畀放到“实验性”分支。

一只软件来“弗稳定”分支登著一段辰光后（时间长短关乎软件修改个紧急性），该软件会自动移到“测试”分支。但如果软件有严重错误畀报告，或其依赖个软件朆满足“测试”分支个要求，就弗会移到“测试”分支。

因为Debian发布正式版本个周期比较长，一些桌面用户会选择安装“测试”甚至“弗稳定”分支。

来“测试”分支中个软件错误总数低于一定数量后，“测试”分支会成为下一个稳定版本。

分支

拿其他内核移植到Debian个工作来上进行中，有基于FreeBSD内核个Debian GNU/kFreeBSD，基于Hurd内核个GNU/Hurd等等。

使用领域

Debian徽标

Debian以稳定性闻名，所以蛮多点服务器使用Debian作为其操作系统。而弗少LiveCD上个Linux发行版也用Debian为基础改写，譬如说Knoppix。来桌面领域，Debian个一只衍生版Ubuntu就蛮受欢迎，来DistroWatch.com浏览排名里一脚勒前头。而弗少信息学竞赛也采用Debian作为操作系统^[2]。