上海吴淞煤气制气有限公司

上海吳淞煤氣制氣有限公司，又稱吳淞煤氣制氣有限公司、吳淞煤氣廠，是上海燃氣集團有限公司個全資子公司，來勒上海市寶山區長江路555號。

上海吳淞煤氣制氣有限公司

沿革

1938年12月27號，侵華日軍特務部建設課主持來勒吳淞地區籌建大上海瓦斯株式會社。1945年抗日戰爭結束以後，上海市政府接收改名吳淞煤氣廠^[1]。本來是兩層樓弗規則混合結構個樓房，後些來改成俱樂部、醫務室，乃朝是吳淞煤氣廠榮譽室。後來，吳淞煤氣廠經過多埭擴建，形成4台重油制氣爐、6台天然氣改質爐、5台機械發生爐、7台水煤氣爐、7台鍋爐、3台發電機、2套日處理180萬立方米個煤氣回收淨化配套裝置等裝置^[2]，主要生產城市管道燃氣，外加進行餘熱發電、熱源供氣^[3]。