孔子

孔子——是春秋战国人物（生勒前552年|死勒前479年），姓孔^[1]，名丘，字仲尼，鲁（依家山东个曲阜）人，中国春秋末期个思想家搭仔教育家。伊是由汉代起中华文化个主流学说儒家创始人，孔子同儒家思想对古代中国搭周围国家有深远个影响，后世尊称伊为万世师表^[2][3][4][5]。

孔子像

成就

《春秋》、《论语》等是了解伊本人思想个主要著作。

整理编修古籍

• 传说讲，孔子写《春秋》（《孟子·滕文公下》：“孔子作春秋而乱臣贼子惧”）。《春秋》个本书写个辰光（前722年到前481年）就叫春秋时期。
• 孔子个弟子搭再传弟子拿伊个学说编辑成《论语》，是研究孔子思想个主要文献。
• 汉朝定型个《礼记》里向也写仔孔子个思想（比方讲《大学》搭《中庸》），貤有记录伊思想个《孔子家语》，传统浪认为是假个，但是最近逐渐畀重视。
• 南宋个辰光，朱熹拿《论语》搭《礼记》里个《大学》、《中庸》两篇文章同反映亚圣孟子思想个《孟子》合拉一道写字《四书集注》，个就是四书。
• 四书搭《诗》（诗经）、《书》（尚书）、《礼》（礼记）、《易》（易经）、《春秋》个五本书一道叫“四书五经”，是儒家学说个核心经典。
• 讲是，孔子删诗书，定礼乐，赞周易，作春秋。

三千弟子搭七十二位精通六艺个弟子

古代尊师-孔子画像

照《史记》写个，孔子有三千弟子，当中精通六艺个有七十二个人，叫“七十二贤人”。

孔子死脱以后，“七十子之徒散游诸侯，大者为师傅卿相，小者友教士大夫。”个能介也就勒拉政治浪打破仔贵族垄断个世卿世禄制，为专制君主自由任免布衣官员个官僚体制创造条件。