枫林路

楓林路是中華人民共和國上海市徐匯區一條西北-東南走向個路，西北面從肇嘉浜路出發，往南到瑞寧路，全長1000米。路邊有復旦大學附屬中山醫院、中國科學院上海有機化學研究所^[1]。

歷史

箇路1920年修個，一開始叫豐林路，從松滬護軍使何豐林個名字來個，箇路跨肇嘉浜個橋就叫「豐林橋」。松滬護軍使公署就勒垃「豐林橋」。

1927年3月份，北伐軍打到上海，蔣介石個國民革命軍總司令進駐豐林橋個護軍使公署，謀劃清黨，也就是四一二事件。後來，國民革命軍總司令部、特別軍法處、上海特別市政府儕設勒豐林橋地區，「署前路」改叫「市政府路」，是今朝個平江路；豐林路改名楓林路。