标准状态

標準狀態（英語：standard state），簡稱標狀態，是一種為咾方便計算體系性質個參考態。經常看到個體系有：純物質、混合物或者溶液。雖然IUPAC推薦一套通用個標準狀態，但原則上標準狀態好隨便選個。

化學里向，經常定義假想個理想溶液濃度是1M(mol/L)個辰光是標準狀態。勒拉生物化學里向則經常用pH等於7,也就是10^-7 mol/l H⁺離子濃度個辰光是標準狀態^[1][2]。

IUPAC推薦指定標準壓力 p^o =10⁵ Pa。

嚴格來講，標準狀態並嘸沒指定溫度。比方講，氣體個標準狀態是：單位壓力下（通常是1巴）個理想氣體，而並嘸沒指定具體個溫度。但是，現實當中大多數熱力學數據集儕是勒拉特定溫度下頭測得個。通常是室溫298.15 K（25.00 °C；77.00 °F），有個辰光也用273.15 K（0.00 °C；32.00 °F）。