苏州轨道交通6号线

苏州轨道交通6号线是中国江苏省苏州市一条西北-东南向个轨道交通线路。伊从沪宁城际铁路伊面个苏州新区火车站出发，到工业园区个华云站，2024年6月29号通车^[1]。

6号线下穿金鸡湖个辰光是同金鸡湖隧道一道造个，平行排列，排勒北面^[2]。6号线个车站装修基于苏州传统文化设计，拿水乡建筑、苏州园林、丝绸缎带咾啥个元素融进车站个装饰当中^[3]。

历史

2018年11月份，苏州轨道交通6号线开工，预计2024年6月通车^[1]。

2024年1月24号，6、7、8号线站点个名称确定^[4]。

2024年1月31号，地铁6号线通过项目工程验收，初步具备试运行个条件^[5]。

2024年6月23号至25号9:00—19:00，6号线开放免费试乘活动。^[6]

2024年6月29号9:00，6号线正式开通运营，初期运营范围是苏州新区火车站到桑田岛，当中南斜步到桑田岛只有一部列车来回拉风箱跑。^[7]