商朝
From Wikipedia, the free encyclopedia
商朝又称殷、殷商(约前17世纪—约前11世纪)是中国头一隻有得同期直接文字记载个朝代,标志中国进入信史时代。商朝前期屡屡迁都,直至盘庚定都于殷(今中国安阳市),个咾商朝又叫殷朝。商是中国历史上继夏朝之后一个朝代,相对于夏,渠考古发现更加丰富。原夏个诸侯国商部落首领商汤率诸侯国于鸣条之战灭夏朝后建立。经历六百年,廿九王。末代君王帝辛来拉牧野之战畀拉周武王击败而亡。
更多信息 中国历史系列文章 ...
关闭
关于商朝个文献资料,多数源自其后头周朝个纪录,汉朝司马迁个《史记》,以及商朝金文、甲骨文记载。甲金文是目前发现中国顶早成系统个文字符号。
二十世纪上半叶安阳殷墟遗址发现后,出土个甲骨文基本印证著司马迁《史记》记载个商王世系。近代,以前普遍看作蛮夷之地个非中原地区,譬如成都、广汉为中心个三星堆文化,湖南宁乡个炭河里遗址等出土个文物也证明,当时长江流域也平行存在发达个非中原文明。