სალმან იბნ აბდულ-აზიზ ალ საუდი
From Wikipedia, the free encyclopedia
From Wikipedia, the free encyclopedia
სალმან იბნ აბდულ-აზიზ ალ საუდი (არაბ. الأمير سلمان بن عبد العزيز آل سعود, დ. 31 ქირსეთუთა, 1935) — საუდიშ არაბეთიშ მაფა, ჟირი წიმინდე მეჩეთიშ მათხილარი, საუდეფიშ დინასტიაშ მადუდე. მაფათ გჷნირთჷ 2015 წანაშ 23 ღურთუთას, თიშ უკული მუთ დოღურჷ თიშ ჯიმა აბდალაქ.
| სალმან იბნ აბდულ-აზიზ ალ საუდი | |
| არაბ. سلمان بن عبد العزيز آل سعود | |
 | |
 საუდიშ არაბეთიშ მაფა ჟირი წიმინდე მეჩეთიშ მათხილარი | |
| დუდალ. დაჭყაფუ: | 23 ღურთუთა, 2015 |
|---|---|
| დუდალ. დათებუ: | ასეშა |
| წიმოხონი: | აბდალა |
| მონძე: | მუჰამადი |
| დაბ. თარიღი: | 31 ქირსეთუთა, 1935 |
| დაბ. აბანი: | ერ-რიადი, საუდიშ არაბეთი |
| ალმასქუ: | სულთანა ალ-სუდაირი ფაჰდა ალ ჰისლაიანი სარა ას-საბიი მუდავი ად-დავიში სულთანა ალ-ხალიდი |
| სქუალეფი: | აბდულ-აზიზ იბნ სალმან ალ საუდი ფაჰდ იბნ სალმან იბნ აბდულ-აზიზ ალ საუდი |
| დინასტია: | საუდეფი |
| მუმა: | იბნ საუდი |
| ნანა: | ჰასა ბინტ აჰმედ ალ სუდაირი |
| რელიგია: | ისლამი (სუნიტი) |
| გონათაფა: | მაფასქირეფიშ სკოლა |
სალმანი საუდიშ არაბეთიშ მაართა მაფაშ აბდულ-აზიზ იბნ-საუდიშ სქუა რე. ხვისტაშ ეშულაშა, 2011-2015 წანეფს რდჷ დუდთხილუაშ მინისტრი, თეიშახ 1963-2011 წწ. — ერ-რიადიშ პროვინციაშ გუბერნატორი.
დებადჷ 1935 წანაშ 31 ქირსეთუთას დო რდჷ მაართა მაფა იბნ საუდიშ 25-ა სქუა[1]. თიში ნანა რდჷ ჰასა ალ სუდაირი[2]. ამშვ ჯიმაწკჷმა ქჷდარსხუ ჯგუბუა „სუდაირეფიშ შკვითონა“[3]. დაჭყაფური გონათუა მიღჷ ერ-რიადიშ მაფასქირეფიშ სკოლას[4]. სალმანქ დიგურუ რელიგია დო თეხანური მენცარობა[5].
19 წანაშ ხანს, 1954 წანას, მუამუშქ ქჷდარინუ ერ-რიადიშ ემირო, პოსტიშე გჷნოდირთჷ 1960 წანას[6]. 1963 წანაშე ერ-რიადიშ გუბერნატორი რე, თე პოსტის მოღალენდჷ 48 წანას, 2011 წანაშახ. 2011 წანაშე დუდთხილუაშ მინისტრი რე. თე პოსტის სალმანი დოთირუ მუშ ღურელჷ ჯიმაქ, ხვისტაშ მონძე სულთანქ[7].
სალმანი სუმშა რდჷ ნაჩილჷ[8]. თიში მაართა ჩილი რდჷ მუში ჯიჯისქუა ბინტ ტურკი ალ სუდაირი[9], ნამუქჷთ დოღურჷ 2011 წანას 71 წანაშ ხანს[10]თე ქორწინიბაშე დებადეს მაფასქირ ფაჰდიქ (დ. 1955), მაფასქირ სულთანქ (დ. 1956), მაფასქირ აჰმედიქ (დ. 1958), მაფასქირ აბდულ-აზიზიქ (დ. 1960), მაფასქირ ფეისალქ (დ. 1970) დო მაფაცირა ჰასაქ (დ. 1974).
მაჟირა ჩილი რდჷ სარა ბინტ ფეისალ ალ სუბაი-აი, ნამუშეთ მაძინჷ მაფასქირ საუდიქ. მასუმა ქორწინებაშე ფავდი ნინტ ფალაჰ იბნ სულტან ალ ჰიტალაინშე დებადეს მაფასქირეფქ: მუჰამედი, ტურკი, ხალიდი, ნაიფი, ბანდარი დო რაკანი[11].
თიში სქუა სულთან იბნ სალმან ალ საუდიქ გჷნირთჷ მაართა ომაფე ზისხირიშ მაღვენ, მაართა არაბო დო მაართა მუსლიმო, ნამუქჷთ კოსმოსშა ფურინჷნ[12]. აბდელ-აზიზ იბნ სალმანი ნაფთობიშ მინისტრიშ მოაკანე რე 1995 წანაშე[13].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
