სევანიშ ტობა
From Wikipedia, the free encyclopedia
სევანი, გოქჩა[1] (სომეხ. Սևանա լիճ), ქორთულ წყუეფს გელაქუნი[2] — ტობა სომხეთის. უდიდაში რეკავკაციას. ფართობი — 1243 კმ².ოშქაშე სიტომბა — 28,5 მ, მაქსიმალური — 83 მეტრა. იდვალუაფუ ამიერკავკაციაშ ვულკანურ გვალონას, დოხოლაფირო 1900 მ სიმაღალას. ტობას ოორუე-ბჟადალშე ომძღჷ ბამბაკიშ ქჷნდჷრი, ოორუე-ბჟადალშე - შაჰდაღიშ ქჷნდჷრი, ბჟადალშე დო ობჟათეშე - გეღამიშ დო ვარდენისიშ ქჷნდჷრეფი. სევანიშ ტობას უკებჷ გვალეფოშქაშე ტექტონიკური ფაქვილიშ ცენტრალური ნორთი. ჟირი ართიანიშ მაჯინე კოდმეთ ირთუ მორჩილ სევანო (ოორუე-ბჟადალი) დო დიდ სევანო (ობჟათე-ბჟაეილი). მორჩილი სევანს მადვალი კირდეამ კოკის, ნამუთ ტობაშ დონეშ დოკინაშ უკული ჩქონო რე გჷნორთელი, იდვალუაფუ IX ოშწანურაშ არქიტექტურული ძეგლი — სევანიშ ოხიდა. სევანიშ ტობაშ ინმაკათუ 28 მორჩილი წყარმალუ. გჷშმურს წყარმალუ რაზდანი. ტობაშ თარი მაძინუ რე ჟიპიჯური ინნაკათეფი (727 მლნ. მ³ წანმოწანას). წყარიშ ტემპერატურა ჟიპიჯის კვირკვე-მარაშინათუთას 17-19 °C, ღურთუთა-ფურთუთას — 1,5-1,8 °C. მანგარ ჸინუამ ზოთონც ტობა ედომუშამო იჸინუ. დიდარი რე ჩხომით. ტობაშ წყარი დო წყარმალუ რაზდანი გჷმორინაფილი რე სევანიშ ჰიდროელექტროდგჷმილიშ კასკადშო. გოჸონაფილი რე არფა-სევანიშ გვირაბი, ნამუშით წყარმალუ არფაშ წყარი მიშმურს სევანშა. სევანიშ ტობაშ წყარპიჯის რე სევანი. ორთაშობური ერუანული პარკი.
სევანიშ ტობა | |
---|---|
სომეხ. Սևան, Սևանա լիճ | |
კოორდინატეფი:
40.316667,45.3540°19′00″ ოორ. გ. 45°21′00″ ელ. გ. | |
ორენი | სომხეთი |
სიმაღალა ზუღაშ დონეშე | 1896 მ |
სიგჷრძა | 78 კმ კმ |
სიგანა | 56 კმ კმ |
ფართობი | 1243 კმ² |
მოცულობა | 33,2 კმ³ |
მაქსიმალური სიტომბა | 78,4 მ |
ოშქაშე სიტომბა | 28,5 მ |
კარაკანობა | 4,5 მ |
ინმალი წყარმალუეფი | ვარდენისი, მარტუნი, არგიჩი, ასტჰაძორი, გავარაგეტი, ცაკარი |
გჷშმალი წყარმალუ | რაზდანი |
თე თემაშე ვიკიოწკარუეს |