From Wikipedia, the free encyclopedia
ჩარლზ ჯონ ჰუფემ დიკენსი (ინგლ. Charles John Huffam Dickens; დ. 1812 წანაშ 7 ფურთუთა – ღ. 1870 წანაშ 9 მანგი), ფსევდონიმი - "ბოზ" (ინგლ. Boz) — ვიქტორიანული ერაშ დო არძო ბორჯიშ ართ – ართი არძაშე უმოსი პოპულარული ინგლისარი ჭარუ, ნამუშ ნოველეფიშ დო კუნტა თხობელუეფიშ ბეშტუა დღას ვემეჭყვიდელე.[1][2]
ჩარლზ დიკენსიშ აკოქიმინჯალა ახასქარებული ფურცელი რე ინგლისიშ კრიტიკული რეალიზმიშ ისტორიას. თიშ ჯოხოწკჷმა რე მერსხილი თელი ფარანი ინგლისური ლიტერატურაშ გოვითარაფას. ჩარლზ დიკენსიქ დებადჷ ოზუღე უჭყაფაშ მოინალეშ ფანიას. თიქ ბაღანობაშე იწისუ რინაშ აჭიროთება. ფანია ირო უღვენჯობას რდჷ. ვალეფიშ უგნუგაფუობაშენ მუმალი ჭარუშ მუმა მევალეეფიშ ჯიხას ქიმთახუნეს, სოჸურეშეთ დუდი დერსხჷ უნელო. დიკენსი 10 წანაშე ხანდენდჷ ვაქსიშ ფაბრიკას. ბაღანობას ეჭოფილ განათება ვამკმიშჷ მუდგაზმათრენ სისტემატურ ხასიათის. თინა ხანდენდჷ სასამართლოშ დო პარლამენტიშ რეპორტიორო. ნინალუაქ ხე აკუნწყუ თის რინაშული გომორსაფილობაშ გოდინდააფას. ბაღანობაშ დო ბოშალაშ მონკა წანეფი თიქ უკულნეშის ეჭარუ მუშ რომანეფს – "დავით კოპერფილდი" დო "ჩქიჩქჷ დოროთი".
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.