Ọwọ́

Ọwọ́ ni a lè pè ní ẹ̀ya ara tí fi ń di nkan mú tí ó si ni ọmọ-ìka púpọ̀ ní ìparí rẹ̀, òun ni ó sì kẹ́yìn ọrùn ọwọ́. A lè ṣalábàá-pàdé ọwọ́ lára àwọn ẹranko elégungun bíi: Ènìyàn, Ọ̀bọ Ìnàkí àti bẹ́ẹ̀ bẹ́ẹ̀ lọ.^[1] Ọwọ́ ènìyàn sábà máa ń ní ìka mẹ́rin tí àtànpàkò sì ṣ'ìkarùn ún wọn. ^[2][3] Àpapọ̀ gbogbo àwọn ọmọ ìka yí ni a ń pè ní ọwọ́.^[2][4][5] Ọwọ́ tí a ń sọ yí ní egungun mẹ́tàdínlọ́gbọ̀n(ọwọ́ kan), ọwọ́ méjéjì lápapò ní egungun mẹ́rìnléláàdọ́ta ^[6], èyí tí kò sí egungun sesamoid , èyí tí kìí jẹ́ iye kan náà lára ènìyàn kan sí ìkejì. Egungun mẹ́rìnlá nínú àwọn egungun ọwọ́ jẹ́ àkójọ egungun ìka pẹ̀lú àtànpàkò. Àwọn egungun àtẹ́lẹwọ́ (metacarpals) ni ó di egungun ìka pẹ̀lú egungun ọrùn ọwọ́ mú. Ọwọ́ ènìyàn kan a máa ní egungun àtẹ́lẹwọ́ márùn-ún pẹ̀lú egungun ọrùn ọwọ́ mẹ́jọ.

Ọwọ́
Ẹ̀yìn ọwọ́ (òsì) àti iwájú (ọwọ́) ọ̀tún ènìyàn tí ó jẹ́ ọkùnrin.
X-ray of human hand
Details
Vein	Dorsal venous network of hand
Nerve	Ulnar, median, radial nerves
Identifiers
Latin	Manus
TA	A01.1.00.025
FMA	9712
Anatomical terminology [edit on Wikidata]

Ọwọ́ kọ́ ipa pàtàkì lára ènìyàn ní ṣíṣe itọ́ka sí àti àpèjúwèé aláìlo gbólóhùn. Bákannáà, a máa ń lo ọmọ ìka mẹ́wẹẹ̀wá pẹ̀lu àwọn egungun ọmọ ìka làti ṣe ohunkà àti fún ìṣirò.

Àgbékalẹ̀

Pùpọ̀ nínú àwọn ẹranko onírunlára àti àwọn ẹranko míràn ní ẹ̀ya ara tí wọ́n fi ń di nkan mú, ṣùgbọ́n ìmọ̀ ìjìnlẹ̀ kò kà wọ́n kún ọwọ́. Ọwọ́ ni a lè rí lára ipín àwọn ẹranko tí ó jọ ọ̀bọ àti ìnànkí. Kí a tó lè ka ẹ̀ya ara kún ọwọ́, ó gbọdọ̀ ní àtànpàkò tí ó dojúkọ àwọn ìka mẹ́rin míràn.