Liz Da-Silva

Elizabeth Ọmọ́wùnmí Tekovi Da-Silva (tí a bí ní Oṣù Kẹẹ̀fà Ọjọ́ 10, Ọdún 1978) jẹ́ òṣèré ọmọ orílẹ̀-èdè Nàìjíríà àti Tógò tí ó maá n sábà kópa ní ọ̀pọ̀lọpọ̀ ìgbà nínu fíìmù Yorùbá ti Nàìjíríà. Ní ọdún 2016, wọ́n yan Da-Silva fún àmì ẹ̀yẹ City People Movie Award fún ti òṣèré amúgbálẹ́gbẹ̀ẹ́ tó dára jùlọ (ẹ̀ka ti eré Yorùbá) níbi ayẹyẹ City People Entertainment Awards.^[1] Ní ọdún 2018 bákan náà, ó gba àmì ẹ̀yẹ fún òṣèré amúgbálẹ́gbẹ̀ẹ́ tó dára jùlọ níbi ayẹyẹ Best of Nollywood Awards.^[2]

Liz Da-Silva
Ọjọ́ìbí	Elizabeth Omowunmi Tekovi Da-Silva 10 Oṣù Kàrún 1978 (1978-05-10) (ọmọ ọdún 47) Obalende, Ipinlẹ Eko
Orílẹ̀-èdè	Togo ati Naijiria
Iṣẹ́	Osere
Ìgbà iṣẹ́	2004–Iwoyi
Àwọn ọmọ	1

Ìbẹ̀rẹ̀pẹ̀pẹ̀ ayé àti ẹ̀kọ́ rẹ̀

A bí Da-Silva sí ọwọ́ àwọn òbí tí n ṣe ará Tógò ṣùgbọ́n tí wọ́n n gbé ní Nàìjíríà. A bi ní agbègbè tí a mọ̀ sí Obálendé ní Ìpínlẹ̀ Èkó níbití àwọn òbi rẹ̀ gbé, níbẹ̀ ló sì ti lo ìgbà èwe rẹ̀. Nínu ìfọ̀rọ̀wánilẹ́nuwò kan pẹ̀lú àwọn oniròyìn kan lórílẹ̀-èdè Nàìjíríà, ó ṣàlàyé pé Ìlú Èkó dà gẹ́gẹ́ bi ilé òun, ó sì sọ nínu ìfọ̀rọ̀wánilẹ́nuwò náà pé òún wá láti ilé olórogún.^[3] Da-Silva lọ sí Ireti Grammar School fún ètò-ẹ̀kọ́ ìwé mẹ̀wá rẹ̀, ó sì tẹ̀síwájú lọ sí Ilé-ẹ̀kọ́ gíga ti Ìpínlẹ̀ Èkó níbi tó ti gba oyè-ẹ̀kọ́ B.Sc.^[1][4]

Iṣẹ́ ìṣe rẹ̀

Nínu ìfọ̀rọ̀wánilẹ́nuwò kan Da-Silva ṣàlàyé pé òún bẹ̀rẹ̀ sí nìfẹ́ sí láti darapọ̀ mọ́ ilé-iṣẹ́ fíìmù ti Yorùbá ti Nàìjíríà ní àkókò tí òún wà ní ilé-ìwe girama. Nígbà náà lòwún bẹ̀rẹ̀ sí kópa nínu àwọn eré ti ilé-ìwé. Da-Silva nínu ìfọ̀rọ̀wánilẹ́nuwò kan pẹ̀lú àwọn oniròyìn The Punch ṣàlàyé pé òún kó ipa àkọ́kọ́ ní ilé-iṣẹ́ fíìmù Yorùbá ti Nàìjíríà ní ọdún 2004 nípasẹ̀ ìrànlọ́wọ́ Ìyábọ̀ Òjó.^[5] Da-Silva di gbajúmọ̀ òṣèrè lẹ́hìn tí ó kó àwọn ipa gbòógì nínu fíìmù méj̀i kan; àkọ́lé àkọ́kọ́ ni Wákàtí Méta látọwọ́ Wale Lawal àti fíìmù kan ta pe àkọ́lé rẹ̀ ní Omidan látọwọ́ Ìyáboọ̀ Òjó.^[6][3]

Da-Silva ní ọdún 2012 ṣe àkọ́kọ́ ìgbéréjáde rẹ̀ pẹ̀lu fíìmù tí àkọ́lé rẹ̀ jẹ́ Mama Insurance, èyítí ó ṣe ìfihàn Ayò Mógàjí, Lánre Hassan,Ìyábọ̀ Òjó, Rónkẹ́ Òjó, àti Doris Simeon .^[7][8]

Ìgbé ayé rẹ̀

Da-Silva jẹ́ ọmọ orílẹ̀-èdè Nàìjíríà nípasẹ̀ bíbí àti ọmọ orílẹ̀-èdè Tógò nípasẹ̀ àwọn òbi rẹ̀. Da-Silva ti ṣàlàyé Ìpínlẹ̀ Èkó bí ilé rẹ̀, ṣùgbọ́n ó sì ní àdìsọ́kàn láti ní ìṣepọ̀ pẹ̀lú àwọn mọ̀lẹ́bí rẹ̀ ní Tógò. Da-Silva Ní ọdún 2013 yípadà láti Krìstẹ́nì sí Islam.^[8][9][10]

Àwọn Àmì-ẹ̀yẹ Àti Yíyàn Rẹ̀

Year	Award	Category	Result	Ref
2018	City People Entertainment Awards	Best Supporting Actress of the Year (Yoruba)	Wọ́n pèé
	Best of Nollywood Awards	Best Supporting Actress –Yoruba	Gbàá [11]

Ipa

Da-Silva lórúkọ, Bukky Wright gẹ́gẹ́ bí àwòkọ́ṣe rẹ̀ nínú ilé iṣẹ́ fíìmù Yorùbá ní Nàìjíríà ó sì sọ pé òun ti nípa lórí, ọ̀nà ìṣèré rẹ̀ ní pàtàkì. ^[12]

Àwọn Fíìmù Rẹ̀ Tí A Yàn

• Ore l’ore Nwoto (2007)
• Omidan
• Desire
• Itanje
• Mama Insurance
• Alebu kan
• Mawo’badan
• Tasere
• Mama insurance