Hellevoet

Hellevoet of soms Hellevoetsluus (Nederlands: Hellevoetsluis) is 'n stad en voormaelige gemeênte op Voorne-Putt'n. Van oorsprong ist 'n klein vestiengsta'ie, mar de leste jaeren ist flienk 'egroed en tegenwoordig telt het 40.000 inweuners (2023). Hellevoet is in 2023 opgegaen in de nieuwe gemeênte Vore an Zeê.

Liggienge in Zuud-'Olland

Kaerte voormaelige gemeênte

Viertoren van Hellevoet en ingang van de haevene

Meule De Hoop

Vanwege de liggienk nabie de toegank tot Rotterdam wier de merìne in Hellevoet 'estasjoneerd. In het begin van de 19e eêuwe wier het droagdok Jan Blanken 'ebouwd. Oak kwam d'r een merìnehospitaol. Desondanks groeide Hellevoet nie echt. D'n Briel bleef aoltied de groôste plekke van 't eiland.

Nae den oorlog wier Hellevoet an'eweze as groeikern. Toe ging 't harde. Massa's Rotterdammers ontvluchtte d'r eige wieken, weer steeds meer butelanders kwamme weune en toge naer de nieuwe wieken van Hellevoet. Een nieuw wienkelcentrum kwam d'r over het Kanaol deur Voorne.

Ondanks dat Goereê-Overflakkeê korte bie Hellevoet leit mo de meêste Flakkeeënaers weinig van Hellevoet hao. D'r go aok weinig meênsen vant eiland op Hellevoet weune. Wel komme wienkele, vooral van de westkante van Flakkeê. Da goot ten koste van Menheerse. Mar de cultuurverschillen tussen Hellevoet en Flakkeê bluuve groôt.

Gemeênteraed

De voormaelige gemeênteraed van Hellevoet bestond uut 25 zeêtels. Hieronger stoot de saemenstellieng van de gemeênteraed vanof 1998:^[1]

Zetelverdelieng
Partij	2018	2014	2010	2006	2002	1998
Inwonersbelang Hellevoetsluis	12	11	8	7	8	5
VVD	6	5	7	6	7	8
CDA	3	2	2	2	2	2
GL	2	2	2	3	3	3
PvdA	1	3	3	8	4	6
D66	1	2	1		1	1
Lijst Van Balen			1	1
SP			1
Totael	25	25	25	27	25	25
Opkomst	48%	45%	46%	52%	49%	50%

Voebal

• VV Hellevoetsluis
• VV Nieuwenhoorn
• FC Vlotbrug

'Eboren in Hellevoet

• Andries Popke Staalman (1858-1938) politicus
• Dirk Johannes Spanjaard (1881-1947) bestierder
• Michael Rudolph Hendrik Calmeyer (1895-1990) generaol en staetssecretaris van Defensie
• Ben van Eysselsteijn (1898-1973) journalist
• Anthony van Kampen (1911-1991) schriever
• Anthonie (Toon) Mans (1965) politicus
• Ellemieke Vermolen (1976) actrice en fotomoôdel
• Ronald Brouwer (1979) hockeyinternaetional

Zie ok

• Vuurtoren van Hellevoet

Plae'ies

• 
  Vestingstad en gemeênte Hellevoet 1866, 3800 inweuners.
• 
  Durp en gemeênte Nieuw-Helvoet 1866, 1200 inweuners.
• 
  Durp en gemeênte Nieuwenhoorn 1865, 1250 inweuners.