Pang-chān:八月節

八月節是東亞地區的一个節日，時間是舊曆八月十五。按華人的傳統，佇這工，親情朋友會相招去好風景的所在逐家開講、看月娘、食月餅佮柚仔。佇臺灣，嘛真流行烘肉、食油飯。

Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún.

八月節的月餅

一般八月節上捷聽著的是素娥（嫦娥）飛上月娘的故事，閣來就是同齊和素娥蹛佇月娘頂懸的兔仔，佮綿爛佇遐咧剉一欉剉袂倒的樹仔的吳剛。

根頭

八月節的月娘。

八月節的根頭今已經真僫稽考矣。有一款講法是舊曆八月十五拄好是舊曆秋天的半中欄，號做「中秋」，以早認為這日的月娘上圓嘛上光，所以相招佇這工看月娘。

嘛有講八月節窮實佮古早古早拜月神，或者是收成了後做鬧熱有關係。

越南 Tết Trung Thu（「節中秋」）的根頭

越南𪜶 (in)嘛有八月節，越南話號做「Tết Trung Thu（節中秋）」。若𪜶 (in)講的根頭是8世紀的時有一个皇帝叫做 Minh-Hoang（明皇），明皇𤆬伊的皇帝娘 Duong Quy Pho（楊貴妃）去一个湖邊，佇遐月娘照甲光光光，明皇共伊為楊貴妃寫的詩讀予伊聽。

日本佮韓國的八月節

日本有兩个八月節

日本人共八月節號做「月見（日本語：月 (つき)見 (み) ^tukimi）」，𪜶 (in)毋若但佇舊曆八月十五暗時，嘛佇九月十三的暗時看月娘。𪜶 (in)共八月十五的月娘號做芋名月（芋 (いも)名 (めい)月 (げつ) ^imomeigetu）、九月十三的月娘叫做栗名月（栗 (くり)名 (めい)月 (げつ) ^kurimeigetu）；嘛有人講豆名月（豆 (まめ)名 (めい)月 (げつ) ^mamemeigetu）。

八月十五暗時，日本人會佇看月娘的所在排桌仔拜拜，用菅芒妝娗，共八月節麻糍（月見団子）、芋仔、毛豆貯咧，酒排咧，做伙看月娘，嘛相佮求好年冬。

全世界干焦日本人加做一工九月十三，𪜶 (in)彼工會用大豆佮栗子來祭拜，彼陣大豆佮栗仔拄著時，這嘛是為甚物彼工的月娘叫做栗名月抑是豆名月的原因。

韓國的八月節

韓國人𪜶 (in)原仔有佇舊曆八月十五看月娘的風俗，韓國話共八月節號做「秋夕（韓國語：추석／秋夕 ^{chuseog，倚音：chhiu-so·k}）」，彼工逐个歇睏，和故鄉的親情團圓，算是𪜶 (in)過年和鬼節以外的第三个大節日。𪜶 (in)彼工會食號做松餅（송병 / 松䭏 ^{Songbyeong，倚音：son-pion}）的四秀。