Bûn-ô͘ Sòaⁿ
From Wikipedia, the free encyclopedia
Remove ads
Bûn-ô͘-sòaⁿ (Hàn-jī: 文湖線, Eng-gí: Wenhu Line, koh hō-chò 1-hō-sòaⁿ, lō͘-chōa tāi-piáu-sek sī chang-sek), sī Tâi-pak chia̍t-ūn êng-ūn ê lō͘-sòaⁿ, mā-sī Tâi-ôan siāng-chá khai-sí êng-ūn ê chia̍t-ūn lō͘-sòaⁿ, khé-iōng-î 1996 nî 3 go̍eh 28 ji̍t. Bûn-ô͘-sòaⁿ sè-hun sī Bûn-san-sòaⁿ (文山線, gôan-miâ sī Ba̍k-sa-sòaⁿ,Hàn-jī:木柵線), Lāi-ô͘-sòaⁿ(內湖線), í Tiong-san-kok-tiong-chām sī kài, chit-chām í-lâm sī Bûn-san-sòaⁿ, í-pak sī Lāi-ô͘-sòaⁿ.
 | 這篇文章有漢字兮版本。 參考這篇文章兮漢字版本。 |
Remove ads
Kán-kài
Bûn-ô͘ Sòaⁿ kan-taⁿ Kiàm-lâm-lō͘ Chām kàu Siông-san Ki-tiûⁿ Chām sī tōe-hā lō͘-sòaⁿ; kî-tha--ê sī ko-kè lō͘-sòaⁿ.
Lō͘-sòaⁿ tang khí Lâm-káng ê Lâm-káng Tián-lám-koán Chām, chhǹg-kòe Tiong-san Ko-sok-kong-lō͘ ê Se̍k-chí Ngó͘-kó͘ Ko-kè-kiô chìn-ji̍p Lāi-ô͘, koh iân Khong-lêng-lō͘, Sêng-kong-lō͘, Bûn-tek-lō͘, Lāi-ô͘-lō͘, Pak-an-lō͘ lâi-kàu Tiong-san-khu ê Tāi-ti̍t. Jiân-āu ǹg lâm chhǹg-kòe Ke-lâng-hô kah Siông-san Ki-tiûⁿ, iân Bîn-cho̍k-tang-lō͘ sai-chhek, Ho̍k-heng-lâm-pak-lō͘, Hô-pêng-tang-lō͘, Hok-chiu-soaⁿ Pōng-khang, Sin-hāi-lō͘, Heng-liông-lō͘, Bān-hong-lō͘, chiap-sòa chhǹg-kòe Kéng-bé-khoe, iân Sin-kong-lō͘ kiâⁿ kàu chīn-bé ê Tōng-bu̍t-hn̂g Chām. Chôan-sòaⁿ chóng tn̂g-tō͘ 25.7 kong-lí.
Bûn-ô͘ Sòaⁿ chioh-tioh hêng-chhia khòng-chè tiong-sim thóng-it khòng-chè bô-lâng kà-sú ê 4-chat chhia-táu phian-cho͘ Tiān-liân Chhia ūn-hêng. Chāi-thâu chhái-iōng MatraVAL256 hē-thóng, tī Bûn-ô͘-sòaⁿ heng-kiàn sî, í Canada Bombardier Ūn-su CITYFLO650 khòng-chè hē-thóng chìn-hêng chôan-sòaⁿ hoan-sin, pēng chhái-kò͘ chit-kong-si ê INNOVIA APM 256 Hêng Tian-liân Chhia, khok-chhiong chit-sòaⁿ siāng ê hêng-chhia-cho͘ sò͘-liāng í in-èng lō͘-sòaⁿ ê iân-tiông.
Kū-miâ sī "Ba̍k-sa Lāi-ô͘ Sòaⁿ", Tâi-pak-chhī Chèng-hú chia̍t-ūn kang-têng-kio̍k (臺北市政府捷運工程局) kap Tâi-pak chia̍t-ūn kong-si (臺北捷運公司) tī 2009 nî 10 go̍eh chhe-8, kā Ba̍k-sa-sòaⁿ kap Lāi-ô͘-sòaⁿ ha̍p-pèng chò "Bûn-san Lāi-ô͘ Sòaⁿ", kán-chheng sī "Bûn-ô͘-sòaⁿ".
Remove ads
Le̍k-sú
Ba̍k-sa Soàⁿ sî-kî
Ba̍k-sa Lāi-ô͘ Soàⁿ sî-kî
Bûn-ô͘ Soàⁿ
Êng-ūn sî-kan kap pan-kī
- Êng-ūn sî-kan： 06:00 chì 24:00
- Pêng-kin pan-kī：
- Pêng-siông-ji̍t (lé-pài-it chì lé-pài-gō͘)
- Chiam-hong sî-toāⁿ (07:00 ~ 09:00, 16:00 ~ 19:00): tāi-io̍k 2 ~ 4 hun-cheng.
- Lī-hong sî-toāⁿ (09:00 ~ 16:00, 19:00 ~ 23:00): tāi-io̍k 4 ~ 10 hun-cheng.
- 23:00 í-āu: tāi-io̍k 12 hun-cheng.
- Ká-ji̍t (lé-pài-la̍k, lé-pài-ji̍t kap kok-tēng ká-ji̍t)
- 6:00 ~ 23:00: tāi-io̍k 4 ~ 10 hun-cheng.
- 23:00 í-āu: tāi-io̍k 12 hun-cheng.[1]
- Pêng-siông-ji̍t (lé-pài-it chì lé-pài-gō͘)
Chhia-chām
Remove ads
Chham-khó
Wikiwand - on
Seamless Wikipedia browsing. On steroids.
Remove ads