Gangnam Style

Gangnam Style (Hân-gí: 강남 스타일, ì-sù sī Kang-lâm Hong-keh (江南風格)), sī Hân-kok koa-chhiú PSY^[2] (chiàⁿ-miâ Phok Chài-hi (朴載熙)) ê chi̍t-siú koa-khek. Tī Youtube lāi ê chèng-sek im-ga̍k iáⁿ-phìⁿ í-keng pò͘-chhut 2-ek-goā (2億外) kái. ^[1] Hoat-hêng 1 kò goe̍h chó-iū liáu-āu (8 goe̍h 17 ji̍t), Gangnam Style tī Hân-kok ê im-ga̍k tiān-sī chiat-bo̍k (節目) Music Bank iōng 18601 hun (分) tit-tio̍h tē-it miâⁿ^[3].

Gangnam Style
PSY / Tan-khek (單曲)
Tī choan-chi̍p PSY 6 kah (甲), Part 1
Hoat-hêng	2012-07-15
keh-sek	Tan-khek (單曲), hā-chái (下載)
Lūi-pia̍t	Hip house, electro house
Têng-tō͘	4 hun 15 bió
Chiòng-phìⁿ Kong-si	YG Entertainment
Chok-sû, Chok-khek	PSY[1]
PSY Tan-khek liân-piáu (年表)
It's Art (2011) Gangnam Style (2012) -

Koa-miâ Gangnam Style sī Lâm-hân siok-cheng, ì-sù ûi siú-to͘ Siú-ní (首爾) ê hó-gia̍h kap sî-phài (時派) ê khu (區)—Kang-lâm-khu (江南區, Hân-kok-gí: 강남구, Gangnam Gu) ê hu-hoa (虛華) seng-oa̍h hong-hoat ^[4]. PSY tī MV lai thiàu khiâ-bé iūⁿ ê chhiò-khoe bú-pō͘ (舞步), MV lóng tī Kang-lâm-khu kui-ê só͘-chāi lāi-té hip, phì-lû sam-un-loán keng (三溫暖間), sài-bé-tiûⁿ (賽馬場) ê bé-pâng (馬房), iû-lám-chia^[5]. Sui-jiân koa sī tùi Lâm-hân ê pun-thó͘ bûn-hoà siá--ê,tān-sī tī bô se̍k hit kok (國) bûn-hoà ê se-hng kok-ka mā lú lâi lú liû-hêng^[6], mā hō͘ kok-chè mûi-thé chù-ì^[7][8]. Gangnam Style tī kui-ê kok-ka ê iTunes Store si̍p-tāi (十大) bú-tō koa-khek pâi-miâ-póng (排名榜) lóng ū miâ, tī Hun-lân koh sī thâu-miâ (頭名)^[9].

Iám-chhut

MV lāi chhut-hiān ê kî-tha Hân-kok gē-jîn ū:

• 4minute thoân-thé ê Kim Hoán-ngá (金炫雅)
• Lâu Chāi-sek (劉在錫) kah PSY kà bú (較舞) (chhēng êng-kng (螢光) n̂g, sái âng-sek ê pháu-chhia (跑車)).
• Lô͘ hông-tiat (盧弘喆) tī tiān-thui thiàu-bú. (Pelvic thrust)
• BIGBANG ê Khiong Tāi-seng (姜大聲) kap Sèng-lī (勝利) ián nn̄g ê kiâⁿ-kî ê lāu-tuā-lâng.

Pâi-miâ-póng

Pâi-miâ (2012)	Siōng-koân ê Pâi-miâ
Tan-be̍h (Tracklisten thâu 40 miâ) [10]	1
Hô-lân (MegaCharts hā-chài-luī (下載類) thâu 50 miâ)[11]	45
Lâm-hân (Gaon Digital Singles)[12]	1
Lâm-hân(Billboard Hân-kok K-Pop chêng 100 miâ tan-khek (單曲) póng)[4][13][14]	1
Sūi-tián (瑞典) (DigiListan)[15]	36
Bí-kok (Billboard Hot Dance/Electronic Digital Songs)[16]	23
Bí-kok (YouTube pek-tāi (百大) im-ga̍k)[17]	1
Hiong-káng (YouTube im-ga̍k Hiong-káng)	1
Hiong-káng (RTHK Hong Kong Top Ten)[18]	1

Kái-pian (改編) Chò-phín

Ū Hoâ-gí te-khu ê bāng-bîn (網民) kā koa-sû ê "오빤 강남 스타일" (Kok-gí ê Lô-má-jī Piáu-kì-hoat: oppan gangnam style, ì-sù: ko-ko (ū) Kang-lâm hong-keh) khang-ní-chò (空耳做, soramimi-chò) "我爸剛弄死他" (Hàn-gí pheng-im (漢語拼音): wǒ bà gāng nòngsǐ tā, Goán pē tú chhòng--sí i)^[19], mā ū iong Eng-gí ê bāng-bîn kā i khang-ní-chò "open condom store" (teh khui ê sak-khù tiàm)^[20][21].

Koan-liân Bûn-chiûⁿ

• Wiktionary:zh:오빠 (Hoâ-gí Ûi-ki Sû-tián)
• PSY
• Kang-lâm-khu (Seoul)
• Kim Hoán-ngá (金炫雅)