Gio̍k-san

Gio̍k-san (Ge̍k-soaⁿ^[1], 玉山; Tsou-gí: Patungkuonʉ) sī Tâi-oân tiong-pō͘ Gio̍k-san Soaⁿ-me̍h ê chi̍t-ê niá-thâu, tī Ko-hiông-chhī, Lâm-tâu-koān kap Ka-gī-koān ê kau-kài, sì-chiu-ûi siat ū Gio̍k-san Kok-ka Kong-hn̂g. Gio̍k-san ê kôan-tō͘ tùi hái-pêng-bīn sǹg-khí ū 3952 kong-chhioh, sī Tâi-oân siāng koân ê soaⁿ.

Gio̍k-san
chòe-ko-tiám
Hái-poa̍t	3,952 m (12,966 ft)
Lia̍t-toaⁿ	Tâi-oân Pah-ga̍k
Tē-lí
Gio̍k-san Gio̍k-san tī Tâi-oân ê ūi-tì
Ūi-tì	Tâi-oân Lâm-tâu Sìn-gī
Peh-soaⁿ
Thâu-chi̍t-pái teng-téng	1898 nî, Tek-kok-lâng Karl Theodor Stöpel

Miâ

Isbukun Bunun-gí hō Gio̍k-san chò Savih; Takbanuaz, Takivatan, Takibakha kap Takitudu kûn ê Bunun-cho̍k hō Saviq, chia jī ê goán ì-sù sī "soaⁿ-téng". Lēng-gōa tī Hoa-lian ê Bunun-lâng mā ū hō i Tonkusqviq.^[2] Tī Tsou-gí lāi-bīn, pún soaⁿ sī hō Patungkuanʉ, chit-ê miâ mā sī "Pat-thong-koan" ê gí-goân.^[3]

Tī Ji̍t-pún thóng-tī Tâi-oân ê sî-chūn, Gio̍k-san hō chòe "Sin-ko-san" (Ji̍t-pún-gí: 新 (にい)高 (たか)山 (やま) ^{(Niitakayama)}). Khah-chá Gio̍k-san tī Eng-gí mā hō "Mt. Morrison", che sī ūi tio̍h beh kì-liām thôan-káu-sū Robert Morrison.