Mario Sanchez
From Wikipedia, the free encyclopedia
Remove ads
Mario Sanchez (Se-pan-gâ-gí: Mario Sánchez, 1994 nî 10 goe̍h 31 ji̍t chhut-sì ), sī Venezuela ê iá-kiû soán-chhiú, siú-pī ūi-tì sī tâu-chhiú, bat tī Bí-kok Chit-pāng kah Hân-kok Chit-pāng phah-kiû, tī Tâi-oân bat hāu-le̍k kòe Thóng-it 7-ELEVEn Sai, chit-má tī Tiong-hôa Chit-pāng ê Tiong-sìn Hiaⁿ-tī, teng-lo̍k-miâ sī "Sèng-khî-sū" (Hôa-gí:
 | 這篇文章有漢字兮版本。 參考這篇文章兮漢字版本。 |
Remove ads
Seng-gâi
2012 nî, 17-hòe ê Sanchez kah Hôa-sēng-tùn Kok-bîn chhiam-iok, khai-sí i ê chit-pāng seng-gâi, pēng-chhiáⁿ tī To-bêng-nî-ka Hā-kùi Liân-bêng chhut-sài. 2014 nî, tī kē-kai 1A chhut-sài 18-tiôⁿ pí-sài, 6-sèng 1-pāi, hông-gū-lu̍t 4.11.
2016 nî 12 goe̍h 12, hŏng kau-e̍k khì Hùi-siâⁿ Hùi-siâⁿ-lâng, Kok-bîn ōaⁿ tio̍h Jimmy Cordero. 2017 nî, tī 2A chhut-sài 19-tiôⁿ pí-sài, 4-sèng 2-pāi, hông-gū-lu̍t 2.88. Tān-sī 7 goe̍h 1 hō tāng chhiú-su̍t, tì-sú keh-nî kan-na tī sin-lâng liân-bêng chhut-sài 7-tiôⁿ pí-sài. 2018 nî 11 goe̍h 2 hō chiâⁿ-chò chū-iû kiû-oân.
2019 nî 4 goe̍h 2 hō, kah Hôa-sēng-tùn Kok-bîn chhiam--loeh Sió-liân-bêng ha̍p-iok, pēng-chhiáⁿ tī 2A kah 3A lóng-chóng chhut-sài 27-tiôⁿ, 10-sèng 7-pāi, hông-gū-lu̍t 3.82. 2021 nî, kāng-khoán tī 2A kah 3A, lóng-chóng chhut-sài 24-tiôⁿ pí-sài, 4-sèng 8-pāi, hông-gū-lu̍t 4.16. 11 goe̍h 7 hō chiâⁿ-chò chū-iû kiû-oân.
2022 nî 1 goe̍h 4 hō, kah Bêng-nî-so͘-ta̍t Siang-siâⁿ chhiam--loeh Sió-liân-bêng ha̍p-iok, pēng-chhiáⁿ tī 3A chhut-sài 28-tiôⁿ pí-sài, 6-sèng 4-pāi, hông-gū-lu̍t 4.24. Kiû-kùi kiat-sok liáu-āu koh-chi̍t-pái chiâⁿ-chò chū-iû kiû-oân.
2023 nî 1 goe̍h 31, kah Thóng-it 7-ELEVEn Sai chhiam-iok, teng-lo̍k-miâ hō-chò "Sèng-khî-sū" (Hôa-gí:
2024 nî, Thóng-it 7-ELEVEn Sai koh-chi̍t-pái kā Sèng-khî-sū chhiam--lo̍h-lâi, tńg--khì Tiong-hôa Chit-pāng[4]. 2025 nî 3 goe̍h, i choán-tūi kàu Tiong-sìn Hiaⁿ-tī[5][6]. 4 goe̍h 16 tī Chiu-chè Iá-kiû-tiôⁿ tùi-chiàn Tâi-kǹg Hiông-eng sian-hoat 8-kio̍k bô-sit-hun tit-tio̍h sèng-tâu, pēng-chhiáⁿ sàng-chhut 11-pái săn-sín, sī kò-jîn Tiong-chit seng-gâi chi̍t-tiôⁿ siāng-chē săn-sín ê kí-lo̍k[7]. M̄-koh 4 goe̍h 30 tī Chiu-chè Iá-kiû-tiôⁿ tùi-chiàn Lo̍k-thian Thô-oân tâu 2.1-kio̍k liáu-āu in-ūi chiàⁿ-chhiú keng-thâu bô-sóng-khoài lo̍h-tiôⁿ[8], bóe--á in-ūi ho̍k-kiān thoat-lī chiàn-sòaⁿ[9][10][11][12]，chòe-āu tī 6 goe̍h 20 hō͘ kiû-thoân chù-siau teng-lo̍k, 2025 nî kiû-kùi lóng-chóng chhut-sài 4-tiôⁿ, 1-sèng 1-pāi, hông-gū-lu̍t 1.54, Tiong-sìn hiaⁿ-tī kiû-thoân sin chù-chheh Lí Phok-teng lâi pó͘ chiàn-le̍k ê khang-khiah[13][14]。
Remove ads
Chit-pāng Seng-gâi Sêng-chek
Tiong-hôa Chit-pāng
Hân-kok Chit-pāng
Remove ads
Chham-khó Chu-liāu
Gōa-pō͘ Liân-kiat
Wikiwand - on
Seamless Wikipedia browsing. On steroids.
Remove ads