O͘-gû-lân

Ài-lân (愛蘭) kū-miâ O͘-gû-lân (烏牛欄), sī Tâi-oân Lâm-tâu-koān Po͘-lí-tìn lāi ê chng-siā, só͘-chāi tī Po͘-lí chhī-lāi ê sai-pêng.

Ài-lân / O͘-gû-lân 愛蘭 / 烏牛欄 Auran
Ji̍t-pún sî-tāi ê O͘-gû-lân tiàu-kiô
Ài-lân / O͘-gû-lân 愛蘭 / 烏牛欄 Ài-lân / O͘-gû-lân 愛蘭 / 烏牛欄 tī Lâm-tâu-koān ê tāi-khài ūi-tì
Keng-hūi-tō͘: 23°58′33″N 120°56′25″E
Koān-chhī
Hiong-tìn-chhī-khu

Le̍k-sú

Pún chng kiam sì-ûi tē-hng, sī 1920 nî só͘ siat ê Lêng-ko-kūn Po͘-lí-ke ē-té ê tōa-jī O͘-gû-lân, chiàu 1935 nî ê thóng-kè, ū pêng-siông chū-bîn 1553 lâng, lāi-bīn Pêⁿ-po͘-cho̍k chiàm 829-ê; Hok-kiàn-hē (tāi-iok tùi-tâng Hō-ló-lâng) chiàm 440; Kńg-tang-hē (tāi-iok tùi-tâng Kheh-lâng)^{[N 1]} chiàm 219.^[1]

"O͘-gû-lân" chit-ê chng-siā goân-té sī khiā tī kin-á-ji̍t Tâi-tiong-chhī Hong-goân-khu lāi ê Pazeh-cho̍k Auran (ia̍h ū siá Aoran) siā, in tùi goân chē-chí sóa kòe hiān-chāi Po͘-lí tē-hng liáu-āu tiō chiàu goân-miâ lâi hō. Tû-liáu Auran siā í-gōa, O͘-gû-lân Koân-phiâⁿ téng iáu ū Patakan kap Lalusai nn̄g siā.^[2] "Auran" chiō sī "O͘-gû-lân" kiam āu-lâi "Ài-lân" hō-miâ ê lâi-goân.

Tâi-oân Tiúⁿ-ló-kàu-hōe ê Ài-lân Kàu-hōe, sī chāi-tē Pazeh lâng ûi chú ê kàu-hōe.^[3]

1947 nî 3 goe̍h 16, Tiong-pō͘ chāi-tē ê Jī-chhit Pō͘-tūi, kap Tiong-hôa Bîn-kok phài--lâi ê 21 Su 16 Lú 436 Thoân pō͘-tūi khí O͘-gû-lân Chiàn-tò͘.

Chù-kái

1. Ji̍t-pún sî-tāi Tâi-oân ê jîn-kháu thóng-kè hun ê Hok-kiàn/Kńg-tang kap hiān-taⁿ thong-sio̍k ê Hō-ló/Kheh-ka ê hun-pia̍t beh kâng m̄-koh bô goân-choân sio ha̍h.