Pò͘ Û-kong

Pò͘ Û-kong (1988 nî 1 goe̍h 18 chhut-sì ), phian-miâ Bán-thô, sī Tâi-oân ê iá-kiû soán-chhiú, bo̍k-chiân tī Tiong-hôa Chit-pāng Thóng-it 7-ELEVEn Sai tam-jīm jī-kun ki-tē kàu-liān, soán-chhiú sî-kî siú-pī ūi-tì sī tâu-chhiú. 2012 nî sī i chit-pāng seng-gâi thâu-chi̍t-tang, í tiong-kè tâu-chhiú sin-hūn chiōⁿ-tiôⁿ, piáu-hiān bē-bái, tit-tio̍h hit-tang ê sin-jîn-ông, mā sī Tiong-hôa Chit-pāng sú-siōng thâu-chi̍t-ūi oân-choân í hō͘-oān sin-hūn chhut-sài ê sin-jîn-ông^[1].

Pò͘ Û-kong 傅于剛
Thóng-it 7-ELEVEn Sai – No. 97
Jī-kun ki-tē kàu-liān
Chhut-sì: 1988 nî 1 goe̍h 18 ji̍t （1988-01-18）(37 hòe)  Tiong-hôa Bîn-kok Tâi-lâm-chhī Siān-hòa-khu
Táⁿ-kek: chiàⁿ Tâu-kiû: chiàⁿ
Tiong-hôa Chit-pāng Chho͘-chhù chhut-sài
2012 nî 3 goe̍h 25, tī Thóng-it 7-ELEVEn Sai
Tiong-hôa Chit-pāng sò͘-kì thóng-kè (chì 2024 nî ûi-chí)
Sèng-tâu — pāi-tâu	23–9
Tiong-kè — kiù-oān	70–7
Sa̋n-sín — sì-bái	323–118
Hông-gū-lu̍t	3.65
Tūi-ngó͘
Kiû-oân sî-kî Thóng-it 7-ELEVEn Sai (2012 nî－2024 nî) Kàu-liān sî-kî Thóng-it 7-ELEVEn Sai jī-kun ki-tē kàu-liān (2025 nî－)
Seng-gâi cheng-chhái piáu-hiān kah ti̍t-chióng
Kiû-oân sî-kî Tiong-hôa Chit-pāng nî-tō͘ chóng-koan-kun: 2013, 2020 Tiong-hôa Chit-pāng Sin-jîn-ông: 2012 Tiong-hôa Chit-pāng Bêng-seng-sài: 2012－2014

tī Kok-li̍p Tiong-heng Tāi-ha̍k Hù-sio̍k Tâi-tiong Ko-kip Lông-gia̍p Ha̍k-hāu ê sî, chóng-kàu-liān Lí Bêng-ek jīn-ûi i ê khòng-kiû bē-bái, tio̍h koat-tēng hō͘ i tùi iá-chhiú choán-jīm tâu-chhiú, tān-sī khah-chē sī tam-jīm hō͘-oān tâu-chhiú ê khang-khòe. Tùi Ka-gī Tāi-ha̍k pit-gia̍p liáu-āu, tio̍h kah sin sêng-li̍p ê gia̍p-î kiû-tūi Tâi-tiong-chhī Ui-ta̍t Chhiau-sùn Iá-kiû-tūi chhiam-iok, chiâⁿ-chò Ui-ta̍t ê chhòng-tūi tūi-oân, mā tam-jīm in tūi-sú thâu-chi̍t-tiôⁿ pí-sài ê sian-hoat tâu-chhiú.

Tī keng-le̍k beh nn̄g-tang ê gia̍p-î bôa-liān liáu-āu, tī 2010 nî nî-té chham-ka Tiong-hôa Chit-pāng Soán-siù-hōe, hō͘ Thóng-it 7-ELEVEn Sai tī tē-la̍k-lûn tē-23-ūi kéng-tio̍h, tī kiû-tūi lāi-té chi̍t-tang ê iá-kiû thè-tāi-e̍k kiat-sok liáu-āu, má-siōng tio̍h hō͘ Thóng-it 7-ELEVEn Sai í Sin-tâi-phiò 200-bān-kho͘ ê chhiam-iok-kim chèng-sek chhiam--loeh. 2024 nî kiû-kùi kiat-sok liáu-āu choán-jīm kàu-liān, Thóng-it Sai mā tī 2025 nî 5 goe̍h thè i kí-pān ín-thè oa̍h-tāng.

Keng-le̍k

• Tâi-lâm-koān Siān-hòa-tìn Siān-hòa Kok-sió Siàu-pāng-tūi
• Tâi-lâm-koān Siān-hòa Kok-tiong Chheng-siàu-pāng-tūi
• Tâi-tiong-chhī Kok-li̍p Tiong-heng Tāi-ha̍k Hù-sio̍k Tâi-tiong Ko-kip Lông-gia̍p Ha̍k-hāu Chheng-pāng-tūi
• Ka-gī Tāi-ha̍k Iá-kiû-tūi
• Tâi-tiong-chhī Ui-ta̍t Chhiau-sùn Iá-kiû-tūi（2009 nî 4 goe̍h 10 hō－2010 nî)
• Tiong-hôa Chit-pāng Thóng-it 7-ELEVEn Sai tāi-hùn kiû-oân (2010 nî 12 goe̍h 31－2011 nî 11 goe̍h 11)
• Tiong-hôa Chit-pāng Thóng-it 7-ELEVEn Sai (2011 nî 11 goe̍h 11－2024 nî)
• Tiong-hôa Chit-pāng Thóng-it 7-ELEVEn Sai jī-kun ki-tē kàu-liān (2025 nî－)

Chit-pāng Seng-gâi Sêng-chek

Nî-tō͘	Kiû-tūi	Chhut-sài	Sian-hoat	Sèng-tâu	Pāi-tâu	Tiong-kè	Kiù-oān	Oân-tâu	Oân-hong	Sì-sí	Sa̋n-sín	Chek-sit	Tâu-kiû kio̍k-sò͘	Chū-chek-hun-lu̍t	Hőng chiōⁿ-lúi-lu̍t
2012	Thóng-it 7-ELEVEn Sai	48	0	4	1	12	0	0	0	14	63	9	67.2	1.20	0.87
2013		58	0	1	0	9	1	0	0	26	48	12	64.2	1.67	1.10
2014		56	0	6	3	22	2	0	0	8	36	28	61.2	4.09	1.05
2015		34	0	2	1	7	1	0	0	16	29	10	39.0	2.31	1.08
2016		31	0	3	1	2	2	0	0	9	20	10	30.2	2.93	1.04
2017		20	0	2	0	0	1	0	0	10	12	19	20.0	8.55	1.85
2018		37	0	1	0	4	0	0	0	14	35	19	34.0	5.03	1.65
2019		29	0	2	2	4	0	0	0	9	28	23	28.0	7.39	1.36
2020		43	0	1	0	7	0	0	0	20	46	24	51.0	4.24	1.47
2021		2	0	0	0	0	0	0	0	0	0	3	1.1	20.25	4.50
2022		12	0	1	1	3	0	0	0	8	4	9	11.2	6.94	1.63
2023		5	0	0	0	0	0	0	0	2	1	1	3.1	2.70	2.70
2024		2	0	0	0	0	0	0	0	0	1	2	4	4.50	1.50
Ha̍p-kè	13-tang	377	0	23	9	70	7	0	0	136	323	169	417	3.65	1.25

Sêng-pāng Kok-chhiú Keng-le̍k

• 2012 nî Kó͘-pa Tùi-khòng-sài Tiong-hôa-tūi
• 2013 nî Keng-tián-sài Chu-keh-sài Tiong-hôa-tūi
• 2012 nî A-kím-sài Tiong-hôa-tūi

Te̍k-sû Sū-chek

• chū 2012 nî 5 goe̍h 10 hō kàu 8 goe̍h 5 hō liân-sòa 28-kio̍k bô sit-hun, phah-phòa sin-lâng tē-it-tang siāng-chē liân-sòa kio̍k-sò͘ bô sit-hun ê kì-lo̍k ^{[chù 1]}
• 2013 nî, tī Tâi-oân Tōa-sài lāi-té í tiòng-kè tâu-chhiú ê sin-hūn chhut-sài nn̄g-tiôⁿ, lóng tâu-chhut bô sit-hun ê hó piáu-hiān, in-ūi nn̄g-tiôⁿ lóng sī tī kiû-tūi lo̍k-hō͘ ê sî teng-pán, só͘-í tit-tio̍h nn̄g-tiôⁿ sèng-tâu^[2].

Chù-kha

1. Goân kì-lo̍k sī Chô Chùn-iông tī 1999 nî 4 goe̍h 29 kàu 5 goe̍h 13 liân-sòa 27-kio̍k bô sit-hun (liân 3-tiôⁿ oân-tâu oân-hong)