Phoaⁿ Kia̍t-khái

Phoaⁿ Kia̍t-khái (kū-miâ Phoaⁿ Gān-têng^{[chù 1]}, A-bí-cho̍k miâ: Iyang^[1]; 1994-nî 2-goe̍h 3-hō chhut-sì ) sī Tâi-oân ê Iá-kiû soán-chhiú. Bo̍k-chiân hāu-le̍k tī Tiong-hôa Chit-pāng Thóng-it 7-ELEVEn Sai, siú-pī ūi-tì sī lāi-iá-chhiú. Tī 2016-nî kùi-tiong soán-siù hō͘ Thóng-it 7-ELEVEn Sai í tē-5-lûn tē-17-ūi kéng--tio̍h.^[2]

Phoaⁿ Kia̍t-khái 潘傑楷
Thóng-it 7-ELEVEn Sai – No. 35
lāi-iá-chhiú
Chhut-sì: 1994 nî 2 goe̍h 3 ji̍t （1994-02-03）(31 hòe)  Tiong-hôa Bîn-kok Tâi-tang-koān
Táⁿ-kek: tó Tâu-kiû: chiàⁿ
Chho͘-chhù chhut-sài
2016-nî 8-goe̍h 27, tī Thóng-it 7-ELEVEn Sai
Seng-gâi sò͘-kì thóng-kè (chì 2024 nî ûi-chí)
Táⁿ-kek-lu̍t	0.275
Choân-lûi-táⁿ	15
Táⁿ-tiám	155
Thau-luí	31
Tūi-ngó͘
Thóng-it 7-ELEVEn Sai (2016-nî—)
Seng-gâi cheng-chhái piáu-hiān kah ti̍t-chióng
Tiong-hôa Chit-pāng nî-tō͘ chóng-koan-kun: 2020 Tiong-hôa Chit-pāng Chòe-ka 10-jîn Chióng (sam-lúi-chhiú): 2024 Tiong-hôa Chit-pāng tan-goe̍h MVP: 2022/08

Phoaⁿ Kia̍t-khái

Tit-kàu ê chióng
Tāi-piáu  Tiong-hôa Tâi-pak
Lâm-chú iá-kiû
Sè-kài Iá-kiû 12-kiông Sài
	2024-nî Tang-kiaⁿ	Thoân-tūi

Chá-nî kah Gia̍p-û Seng-gâi

Phoaⁿ Kia̍t-khái tī Tâi-tang-koān chhut-sì, sī A-bí-cho̍k lâng^[3]. Sè-hàn tio̍h ka-ji̍p iá-kiû-tūi, tha̍k Koan-san-tìn Tek-ko Kok-sió, Sin-seng Kok-tiong^[4][5], Kok-pó Ka-siong^[6][7]. Chìn-ji̍p Tiong-kok Bûn-hòa Tāi-ha̍k liáu-āu ka-ji̍p hāu-chè iá-kiû-tūi (Bí-hu Kī-jîn), tāi-ha̍k kî-kan mā-bat chham-ka gia̍p-î ê Chông-oa̍t Kho-ki Iá-kiû-tūi. In a-pah koh bat hiòng pêng-iú chioh chîⁿ lâi chi-chhî i^[8][9][10].

Phoaⁿ Kia̍t-khái tī 2014-nî iá-kiû le̍k-sú tiān-iáⁿ KANO lāi-té ián Lâm-it-tiong tâu-chhiú Sim-tiân (Morita). I goân-té bat siū-tio̍h tō-ián iau-chhiáⁿ tam-jīm chú-ián chi-it, tān-sī i kiaⁿ poaⁿ-hì ē éng-hióng tāi-ha̍k khò-gia̍p kah iá-kiû seng-gâi, só͘-í tio̍h kā oán-kī tiāu.^[11] M̄-koh ū pō͘-hūn mûi-thé gō͘-hōe kiò-sī i goân-té sī lâm-chú-kak Ngô͘ Bêng-chia̍p ê jîn-soán (iû Chô Iū-lêng ián-chhut)^[12][13][14], chit chân tāi-chì in-ūi 2024-nî Sè-kài Iá-kiû 12-kiông Sài koh hőng chù-ì--tio̍h^[15], KANO tō-ián Má Chì-siông tio̍h chhut-lâi chē-chheng, iau-chhiáⁿ i ián ê kak-sek si̍t-chè-siōng sī chi̍t-ê Ka-lông ê goân-chū-bîn soán-chhiú, hőng oán-kī liáu-āu iu-goân iau-chhiáⁿ i lâi chhah-hoe-á^[16][17].

Chit-gia̍p Seng-gâi

• Tiong-hôa Chit-pāng Thóng-it 7-ELEVEn Sai (2016-nî 8-goe̍h 3-hō—)

• 2018-nî 5-goe̍h 10-hō tī Tâi-lâm Iá-kiû-tiôⁿ tùi-chiàn Hù-pang Hān-chiòng, 8-kio̍k-hā chiap-thè Ngô͘ Kia̍t-jōe chiōⁿ-tiôⁿ tāi-táⁿ, tī móa-lúi ê sî bīn-tùi Lîm Io̍k-chheng phah-chhut chi̍t-ki ū saⁿ-hun táⁿ-tiám ê sam-lúi an-táⁿ, ta̍t-sêng Thóng-it tūi-sú tē-500-ki sam-lúi an-táⁿ.
• 2018-nî 10-goe̍h 30 Tâi-oân Tōa-sài tē-3-chiàn, tī 8-kio̍k-hā bīn-tùi Lamigo Thô-oân ê tiong-kè tâu-chhiú Chu Chùn-siông phah chhut sam-lúi an-táⁿ, kā tūi-iú Koeh Hū-lîm sàng tńg-lâi pún-lúi, tit-tio̍h Thóng-it Sai hit tiôⁿ ê tē-9-hun.^[18]

Kok-chè-sài Keng-le̍k

2024-nî Sè-kài Iá-kiû 12-kiông Sài Tiong-hôa-tūi

Chit-pāng Seng-gâi Sêng-chek

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Thau-luí	Sì-sí	Sa̋n-sín	Lúi-táⁿ-sò͘	Siang-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2016	統一獅	25	87	25	1	15	2	3	17	35	3	0.287	0.304	0.402	0.706
2017		24	50	7	0	5	0	8	17	12	1	0.140	0.254	0.240	0.494
2018		75	154	49	3	25	6	20	36	68	2	0.318	0.397	0.442	0.839
2019		35	77	15	1	7	2	10	25	21	3	0.195	0.284	0.273	0.557
2020		36	91	22	1	11	2	12	16	34	4	0.242	0.330	0.374	0.704
2021		5	5	0	0	0	0	2	3	0	0	0.000	0.286	0.000	0.286
2022		97	278	81	3	30	13	32	38	110	8	0.291	0.363	0.396	0.759
2023		63	153	44	1	14	3	25	24	53	4	0.288	0.350	0.346	0.729
2024		102	332	94	5	48	3	51	62	124	11	0.283	0.375	0.373	0.748
合計	9冬	462	1227	337	15	155	31	163	238	457	36	0.275	0.357	0.372	0.729