Sam-tiông-khu

Sam-tiông-khu (Eng-gí: Sanchong District), Kū-chheng “Soaⁿ-lêng-po͘”,^[1] “Saⁿ-têng-po͘”, ūi Tâi-oân Sin-pak-chhī ē hat ê chi̍t-ê hêng-chèng-khu, kap Tâi-pak-chhī kan-na keh chit-tiâu hô, ūi-tī Tâi-pak Phûn-tē chú-iàu pak-tē ê tiong-sim ūi-tì, sio̍k-tī Tâi-pak To͘-hōe-khu lāi-khoân ê ōe-chhiⁿ siâⁿ-chhī chi-it.

Sam-tiông-khu 三重區
—  Khu  —
Tùi Tōa-tiū-tiâⁿ khòaⁿ Sam-tiông-khu
Sam-tiông tī Sin-pak-chhī ê ūi-tì ê uī-tì Sam-tiông tī Sin-pak-chhī ê ūi-tì
Keng-hūi-tō͘: 25°03′41″N 121°29′40″E
Kok-ka	Tiong-hôa Bîn-kok
Ti̍t-hat-chhī	Sin-pak-chhī
Chèng-hú
- Khu-tiúⁿ	Ông Khun-lâm (王坤南)
Bīn-chek
- Lóng-chóng	16.317 km2
Jîn-kháu (2025 nî 8 goe̍h)
- Lóng-chóng	383,086 lâng
- Bi̍t-tō͘	23,477.72/km2
- Hō͘-kháu	171,965
Sî-khu	Kok-ka Phiau-chún Sî-kan (UTC+8)
Iû-piān hō-bé	241
Bāng-chām	https://www.sanchong.ntpc.gov.tw/

In-ūi chiap-kīn Tâi-pak-chhī, khip-ín tōa-liōng ê jîn-kháu tēng-ki tī Sam-tiông-khu, hoat-tián chiâⁿ chá, kái-chè chêng ê Sam-tiông-chhī sī Tâi-pak-koān ê tē-it-ê koān-hat-chhī, kòe-chōe ê jîn-kháu ka-siōng khah-chá ê hoat-tián, tì-kàu siâⁿ-chhī thó͘-tē sú-iōng kè-tō͘ pá-kek. Chū-chiông seng-keh Sin-pak-chhī Sam-tiông-khu í-lâi, Sam-tiông hoat-tián ê bo̍k-phiau, í chhiok-chìn kong-kiōng-siat-si ho̍k-bū ûi chú, pí-jū oân-siān ūn-tōng-tiong-sim siat-si, hoat-tián tōa-hêng to͘-hōe-kong-hn̂g, thêng-chhia-tiûⁿ kiàn-siat, í-kip kiô-niû ê siu-siān bí-hòa. Sam-tiông thàu-kòe Tiong-hàu-kiô, Tiong-heng-kiô, kap Tâi-pak Se-khu ê Tâi-pak Chhia-chām、Tâi-pak Siang-chú-chhiⁿ Tōa-lâu、Pak-mn̂g Kóng-tiûⁿ、Se-mn̂g-teng téng tōe saⁿ-óa, tī Tâi-pak-chhī phah-piàⁿ thui-tōng ”Se-khu Mn̂g-hō͘ Kè-ōe”, Chia̍t-ūn Ki-tiûⁿ-sòaⁿ téng Kok-chè kang-têng si̍t-si, hō͘ Sam-tiôn-khu ūi-tī Se-khu mn̂g-hō͘ thong-tō tē-it-sòaⁿ siâⁿ-chhī. Lēng-gōa Sin-pak-chhī Chèng-hú in-ūi chō͘-chit ná tōa, pō͘-hūn kiok-chhù hun-sòaⁿ, kè-ōe tī khu lāi ê Jī-tiông-tōe-khu kiàn-siat tē-jī hêng-chèng-tiong-sim. Sam-tiông ê tiōng-iàu-sèng taⁿ ta̍uh-ta̍uh-á thê-seng.

Kau-thong

Chia̍t-ūn

Tâi-pak Chia̍t-ūn

•  Tiong-hô Sin-lô͘ Sòaⁿ (Lô͘-chiu Sòaⁿ): Sam-tiông Kok-sió Chām — Sam-hô Kok-tiong Chām
•  Tiong-hô Sin-lô͘ Sòaⁿ (Sin-chng Sòaⁿ): Tâi-pak-kiô Chām — Chhài-liâu Chām — Sam-tiông Chām — Sian-sek-kiong Chām
•  Khoân-chōng-sòaⁿ (Pak-khoân-tōaⁿ): Hun-á-bóe Chām — Tiông-iông-kiô Chām

Thô-hn̂g Chia̍t-ūn

• Ki-tiûⁿ Sòaⁿ: Jī-tiông Chām — Sam-tiông Chām

Khin-thih

Sin-pak Chia̍t-ūn

•  Gō͘-kó͘ Thài-san Khin-thih: Hun-á-bóe Chām

Kong-lō͘

Ko-sok kong-lō͘

• Tiong-san Ko-sok-kong-lō͘
  • 27 Sam-tiông Sam-tiông Kau-liû-tō: chiap-tio̍h Chhī-tō 103 Hō, Chhī-tō 104 Hō

Khoài-sok kong-lō͘, Khoài-sok tō-lō͘

• Tâi-64-sòaⁿ
  • 15 Sam-tiông Sam-tiông Kau-liû-tō: chiap-tio̍h Tâi-1-sòaⁿ
• Sin-pak Khoân-hô Khoài-sok-tō-lō͘

Séng-tō

• Tâi-1-sòaⁿ
• Tâi-1-kah-sòaⁿ

Chhī-tō

• Chhī-tō 103 Hō
• Chhī-tō 103 Kah-sòaⁿ
• Chhī-tō 104 Hō
• Chhī-tō 108 Hō

Khu-tō

• Pak-62-sòaⁿ
• Pak-65-sòaⁿ
• Pak-66-sòaⁿ
• Pak-67-sòaⁿ