Tâi-oân Tâi-gí Lô-má-jī Pheng-im Hong-àn

Tâi-oân Tâi-gí Lô-má-jī Pheng-im Hong-àn (臺灣台語羅馬字拼音方案), kán-chheng Tâi-lô (臺羅), sī Tiong-hoâ Bîn-kok (Tâi-oân) chèng-hú tī 2005 nî chè-tēng--ê Tâi-gí (Tâi-oân Bân-lâm-gí) phing-siá hong-àn. Chit-ê hong-àn sī chong-ha̍p Pe̍h-oē-jī kap Tâi-oān Gí-giân Im-piau Hong-àn (TLPA) chè-tēng--ê, in-chhú khoàⁿ ē bah Pe̍h-oē-jī--ê chin chē lâng iā khoàⁿ ē lâi Tâi Lô. Chhiūⁿ "Tâi-oân" chit-ê sû khe̍h Tâi-Lô lâi siá tio̍h-sī "Tâi-uân".

Tâi-oân Bân-lâm-gí Lô-má-jī Pheng-im Hong-àn

Chit-má Tiong-hoà Bîn-kok Kàu-io̍k-pō͘ í-keng kā Tâi-lô tong choè sī Tâi-gí--ê piau-chún pheng-im hong-hoat. 2024 nî 8-ge̍h 26-hō, Kàu-io̍k-pō͘ soan-pò͘ kái-miâ chòe "Tâi-oân Tâi-gí Lô-má-jī Pheng-im Hong-àn" (臺灣台語羅馬字拼音方案).^[1]

Jī-bó

Tâi-lô ū 16--ê ki-pún jī-bó (A, B, E, G, H, I, J, K, L, M, N, O, P, S, T, U), koh-ū 7--ê jī-ha̍p jī-bó kap 1--ê sam-ha̍p jī-bó lâi piáu-kì Tâi-gí 24--ê im-uī.

toā-siá	A	B	E	G	H	I	J	K	Kh	L	M	N	Ng	Nn	O	Oo	P	Ph	S	T	Th	Ts	Tsh	U
sió-siá	a	b	e	g	h	i	j	k	kh	l	m	n	ng	nn	o	oo	p	ph	s	t	th	ts	tsh	u

Jī-bó liām-hoat

Jī-bó	a	b	e	g	h	i	j	k	kh	l	m	n	nn	ng	o	oo	p	ph	s	t	th	ts	tsh	u
Tha̍k-hoat 1	a	be	e	ge	ha	i	je	ka	kha	el	em	en	enn	nge	ә	ɔ	pe	phe	es	te	the	tse	tshe	u
Tha̍k-hoat 2	a	bi	e	gi	hi	i	ji	ki	khi	li	mi	ni	inn	ngi	o	oo	pi	phi	si	ti	thi	tsi	tshi	u

Im-phiau

Siaⁿ-bó

		siang-tûn-im		khí-gûn-im		gûn-kok-im		nńg-kok-im		siaⁿ-mn̂g-im
		chheng-im	cho̍k-im	chheng-im	cho̍k-im	chheng-im	cho̍k-im	chheng-im	cho̍k-im	chheng-im
phīⁿ-im			m [m] ㄇ 毛(moo)		n [n] ㄋ 耐(nāi)				ng [ŋ] ㄫ 雅(ngá)
sat-im	m̄ sàng-khì	p [p] ㄅ 邊(pian)	b [b̃] ㆠ 文(bûn)	t [t] ㄉ 地(tē)				k [k] ㄍ 求(kiû)	g [g̃] ㆣ 語(gí)	(m̄-bián siá) [ʔ] 英( ing)
	sàng-khì	ph [pʰ] ㄆ 波(pho)		th [tʰ] ㄊ 他(thann)				kh [kʰ] ㄎ 去(khì)
sat-chhat-im	m̄ sàng-khì			ts [ʦ] ㄗ 曾(tsan)	j [ʣ] ㆡ 熱(jua̍h)	tsi [ʨ] ㄐ 尖(tsiam)	ji [ʥ] ㆢ 入(ji̍p)
	sàng-khì			tsh [ʦʰ] ㄘ 出(tshut)		tshi [ʨʰ] ㄑ 手(tshiú)
chhat-im				s [s] ㄙ 衫(sann)		si [ɕ] ㄒ 寫(siá)				h [h] ㄏ 喜(hí)
pian-im					l [l] ㄌ 柳(liú)

Ūn-bó

	chhêng bú-im		iong bú-im	āu bú-im			ūn-hoà chú-im
	ki-pún	phīⁿ-hoà	ki-pún	ki-pún	phīⁿ-hoà
ko bú-im	i [i] ㄧ 衣(i)	inn [ĩ] ㆪ 圓(înn)		u [u] ㄨ 污(u)	unn [ũ] ㆫ 張(tiunn)		m [m̩] ㆬ 姆(ḿ)	ng [ŋ̍] ㆭ 酸(sng)
tiong bú-im	e [e] ㆤ 禮(lé)	enn [ẽ] ㆥ 生(senn)	o [ə] ㄜ 高(ko)	oo [ɔ] ㆦ 烏(oo)	onn [ɔ̃] ㆧ 翁(onn)
kē bú-im	a [a] ㄚ 查(tsa)	ann [ã] ㆩ 衫(sann)

Ūn-boé

siang-tûn-im khí-gûn-im nńg-kok-im siaⁿ-mn̂g-im phīⁿ-im -m [m] -n [n] -ng [ŋ] sat-im -p [p̚] ㆴ -t [t̚] ㆵ -k [k̚] ㆶ -h [ʔ] ㆷ

chheng bú-im āu bú-im ko bú-im -i [i] -u [u]

Ūn-bó pió

ūn-pak im-siaⁿ-ūn iông-siaⁿ-ūn ji̍p-siaⁿ [m] [n] [ŋ] [p̚] [t̚] [k̚] [ʔ] [a] a ann am an ang ap at ak ah annh [aɪ] ai ainn aih ainnh [aʊ] au auh [e] e enn eh ennh [i] i inn im in ip it ih innh [ɪa] ia iann iam ian iang iap iat iak iah iannh [ɪaʊ] iau iaunn iauh [ɪə] io ing ik ioh [ɪɔ] iong iok [iu] iu iunn iuh iunnh

ūn-pak im-siaⁿ-ūn iông-siaⁿ-ūn ji̍p-siaⁿ [m] [n] [ŋ] [p̚] [t̚] [k̚] [ʔ] [ə] o oh [ɔ] oo onn om ong op ok ooh onnh [u] u un ut uh [ua] ua uann uan uat uah [uai] uai uainn [ue] ue ueh [ui] ui [m̩] m － mh [ŋ̍] ng － ngh

Te̍k-sû Bó-im

Chi̍t-koá hong-giân ū te̍k-sû--ê bó-im, sī POJ thong-siông m̄ piau--ê.

TL	IPA	Tùi-èng iu-sè-khiuⁿ	lē
ir	ɨ	i/u	lâi-khìr
er	ɘ	ue/e	tsí-bēr
ere	ɘ̯e	e/ue	tsuí-kere
ee	ɛ	e	kee-kee kiò.

Siaⁿ-tiāu

	0	1	2	3	4	5	6	7	8	9
thoân-thóng tiāu-lūi	khin-siaⁿ	im-pîaⁿ	im-sióng	im-khì	im-ji̍p	iông-pîaⁿ	iông-sióng	iông-khì	iông-ji̍p	ko-seng
Tâi-lô	--	a	á	à	ah	â	ǎ	ā	a̍h	a̋
kú-lē	總「是」 tsóng--"sī"	東 tong	黨 tóng	棟 tòng	督 tok	同 tông	動 tǒng	洞 tōng	毒 to̍k	「紅」紅紅 "a̋ng"--âng-âng
IPA hû-hō (Ko-hiông-khiuⁿ uî-chú)	(bô-it-tīng)[2]	˦˦	˥˧	˨˩	˧˨	˨˦	˧˧ (Lo̍k-káng-khiuⁿ)	˧˧	˦	˧˥

Kap Pe̍h-oē-jī--ê bô-kâng

• Ū tē 9 tiāu, mā chèng-sek ke tē 6 tiāu kap khin-siaⁿ.
• Seng-bó ch(h) siá-chò ts(h).
• Oa/oe siá-chò ua/ue.
• "ui"--ê phiat-im hû-hō siá tī "i" téng-koân, m̄-sī "u".
• POJ--ê "o͘" (thiām hô͘-lô͘-tiám--ê o) kap "ⁿ" (phīⁿ-hoà-im) kái-choè Tâi-lô--ê thoân-thóng-pán, m̄-koh chèng-sek ài siá-chò "oo" kap "nn".
• Eng/ek siá-chò ing/ik, tû-hui sī ū /eŋ/ kap /ek/ ūn-bó--ê Éng-chēng-khiūⁿ (永靖-).
• Tâi-lô ke chi̍t-koá te̍k-sû--ê hong-giân im-ūi (音位).
• Boē-tit piau siaⁿ-tiāu hû-hō sî thang piau siaⁿ-tiāu pian-hō, lē: "guá" piàn "gua2".