Tâi-oân Bîn-chú-kok kok-kî

From Wikipedia, the free encyclopedia

Tâi-oân Bîn-chú-kok kok-kî
Remove ads

Tâi-oân Bîn-chú-kok kok-kî, sī 1895 nî 5-goe̍h 23 kàu 10-goe̍h tī Tâi-oân kiàn-li̍p ê Tâi-oân Bîn-chú-kok leh iōng ê kok-kî kah kok-hui, in-ūi i ê tô͘ sī nâ-tē n̂g-hó͘, koh hō-chò Nâ-tē-n̂g-hó͘-kî iah-sī N̂g-hó͘-kî, tio̍h tī chit bīn kî-á kong-pò͘ ê hit-kang, Tn̂g Kéng-siông hoat-piáu "Tâi-oân Bîn-chú-kok To̍k-li̍p Soan-giân".


Quick Facts Miâ, Sú-iōng ...
Thumb
Khǹg tī Kok-li̍p Tâi-oân Phok-bu̍t-koán ê Nâ-tē-n̂g-hó͘-kî
Remove ads

Le̍k-sú

Tē-it-biān "Nâ-tē-n̂g-hó͘-kî" tī 1895 nî 5-goe̍h 23 Tâi-oân Bîn-chú-kok sêng-li̍p ê sî-chūn chhut-hiān, in-ūi Má-koan Tiâu-iok kā Tâi-oân kah Phêⁿ-ô͘ koah hō͘ Ji̍t-pún. Ūi-tio̍h mài hőng koah chhut--khì, soan-pò͘ sêng-li̍p "Tâi-oân Bîn-chú-kok", kí-chiàn Tâi-oân sûn-bú Tn̂g Kéng-siông chò tāi-chóng-thóng. Bô-gōa-kú, Ji̍t-kun chiàm-niá Ke-lâng, Tn̂g Kéng-siông soan khì Hō͘-bóe (taⁿ Tām-chúi-khu) ê Douglas iôⁿ-hâng, āu--lâi koh chē Tek-ko lûn-chûn Arthur-hō khì Ē-mn̂g. Kâng nî 6 goe̍h, chhun--ê lâng koh tī Tâi-lâm sêng-li̍p "Tē-jī Kiōng-hô", tāi-chiong-kun Lâu Éng-hok chiâⁿ-chò Bîn-chú-kok tē-2-jīm tāi-chóng-thóng. 1895 nî 10-goe̍h, Tâi-oân Bîn-chú-kok mā in-ūi Lâu Éng-hok peng pāi tio̍h sûi kái-sàn.[1]

Tâi-oân Bîn-chú-kok ūi-tio̍h beh ho͘-èng tio̍h Chheng-tè-kok kok-kî ê "n̂g-tē nâ-lêng", tio̍h khe̍h "nâ-tē n̂g-hó͘" chò kok-kî, só͘-í hō-chò "Nâ-tē-n̂g-hó͘-kî". kin-kì Tâi-oân Bîn-chú-kok lîm-sî hiàn-hoat tē-4-tiâu, Tâi-oân "chhái-iōng Nâ-tē N̂g-hó͘ kok-kî, pēng chok-ûi kok-hui[2]."

2012 nî, Kok-li̍p Tâi-oân Phok-bu̍t-koán keng-kòe 1 nî pòaⁿ ê khó-chèng koh siu-ho̍k, khak-tēng N̂g-hó͘-kî goân-té sī siang-bīn ê. chiàⁿ hoán nn̄g-bīn ê hó͘ ba̍k-chiu bô-kâng, chiàⁿ-bīn ê hó͘ ang-á-jîn îⁿ-îⁿ, sī "àm-sî ê hó͘"; hoán-bīn ê hó͘ ang-á-jîn oan-oan ná-chhiōⁿ goe̍h-niô͘ kāng-khoán, sī "ji̍t-sî ê hó͘", chiàⁿ hoán nn̄g-bīn tāi-piáu ê sī tiù-iā he̍k-chiá im-iông, ū "ji̍t-iā hō͘-kok" ê kóng-hoat[3][4].

Remove ads

Koh-khòaⁿ

Chham-khó chu-liāu

Gōa-pō͘ liân-kiat

Loading related searches...

Wikiwand - on

Seamless Wikipedia browsing. On steroids.

Remove ads