Tân Sîn-ui
Tâi-oân ê iá-kiû soán-chhiú From Wikipedia, the free encyclopedia
Remove ads
Tân Sîn-ui (1997 nî 12 goe̍h 12 chhut-sì ), sī Tâi-oân A-bí-cho̍k ê iá-kiû soán-chhiú[1], chit-má tī Tiong-hôa Chit-pāng Lo̍k-thian Thô-oân hāu-le̍k, siú-pī ūi-tì sī iû-kek-chhiú, tiong-gōa-iá-chhiú.
 | 這篇文章有漢字兮版本。 參考這篇文章兮漢字版本。 |
Remove ads
Seng-gâi
Tân Sîn-ui seⁿ tī Ko-hiông-chhī, sī Tân Ka-khu ê chek-peh-sió-tī. Chū-siàu-pāng ê sî tio̍h tam-jīm iû-kek-chhiú, í sok-tō͘ kah táⁿ-kek chhut-miâ, mā bat phah kòe Williamsport Sè-kài Siàu-pāng-sài[2], hit-tang-chūn khah sió-iōⁿ kan-na 145 kong-hun, it-ti̍t kàu leh tha̍k Bí-hô Tiong-ho̍k ê sî chiah ū kàu 180 kong-hun, pēng-chhiáⁿ chiap-siū kāng-khoán sī iû-kek-chhiú ê chóng-kàu-liān Tân Sūi-chín chhin-chū hùn-liān. 2018 nî chham-ka kùi-tiong soán-siù, hō͘ Lamigo Thô-oân tī tē-2-lûn (choân soán-siù-hōe tē-8-ūi) kéng ji̍p-khì, tī 8 goe̍h-tiong chhiam-iok ka-ji̍p Lamigo[3].
Remove ads
Keng-le̍k
- Ko-hiông-chhī Chiân-tìn-khu Ho̍k-heng Kok-sió Siàu-pāng-tūi
- Ko-hiông-chhī Heng-jîn Kok-tiong Chheng-siàu-pāng-tūi
- Pîn-tong-koān Su-li̍p Bí-hô Ko-kip Tiong-ha̍k Chheng-pāng-tūi
- Ka-gī-chhī Tāi-tông Kì-su̍t Ha̍k-īⁿ Iá-kiû-tūi
- Sin-pak-chhī Sêng-pāng-tūi (2018 nî)
- Tiong-hôa Chit-pāng Lamigo Thô-oân (2018 nî 8 goe̍h 12－2019 nî 12 goe̍h 16)
- Tiong-hôa Chit-pāng Lo̍k-thian Thô-oân (2019 nî 12 goe̍h 17－)
Sêng-pāng Kok-chhiú Keng-le̍k
Te̍k-sû Sū-chek
- 2018 nî 10 goe̍h 9 hō tī Chiu-chè Iá-kiû-tiôⁿ tùi-chiàn Tiong-sìn Hiaⁿ-tī, 6-kio̍k-siōng bīn-tùi Tēⁿ Kî-hông kòng chhut seng-gâi thâu-chi̍t-ki an-táⁿ[4].
- 2019 nî 4 goe̍h 17 tī Tâi-lâm Chhī-li̍p Iá-kiû-tiôⁿ tùi-chiàn Thóng-it 7-ELEVEn Sai, bīn-tùi Kang Sîn-àn kòng chhut thâu-kio̍k thâu-táⁿ-se̍k choân-lúi-táⁿ, mā sī seng-gâi thâu-chi̍t-ki choân-lúi-táⁿ.
- 2020 nî 6 goe̍h 18 tī Tâi-lâm Chhī-li̍p Iá-kiû-tiôⁿ bīn-tùi Thóng-it 7-ELEVEn Sai, kòng chhut seng-gâi thâu-chi̍t-pái tan-tiôⁿ siang-hiáng-phàu[5].
- 2020 nî kiû-kùi, í tan-kùi 42-thau ê sêng-chek tit-tio̍h hit-nî ê thau-lúi-ông.
- 2022 nî kiû-kùi, í tan-kùi 38-thau ê sêng-chek tit-tio̍h hit-nî ê thau-lúi-ông.[6]
- 2024 nî 11 goe̍h 13, Sè-kài Iá-kiû 12-kiông Sài ī-sài tī Tâi-pak Tōa-kī-tàn tùi-chiàn Hân-kok-tūi Ko Éng-piáu (Ko Young-pyo) tī 2-kio̍k-hā kòng chhut seng-gâi thâu-chi̍t-ki móa-lúi choân-lúi-táⁿ.
- 2025 nî 6 goe̍h 12, tī Tâi-tiong Chiu-chè Iá-kiû-tiôⁿ tùi-chiàn Tiong-sìn Hiaⁿ-tī, 4-kio̍k-siōng bīn-tùi Humberto khà-chhut tiong-ng hong-hiong ê an-táⁿ, kā liân-sòa an-táⁿ tiôⁿ-chhù thui-chìn kàu 33-tiôⁿ, kah Koeh Giâm-bûn chhòng-chō ê Tiong-chit kì-lo̍k pêⁿ-chē, mā jiok-pêⁿ A-chiu ê kì-lo̍k.
Remove ads
Chit-pāng Seng-gâi Sêng-chek
- (Chho͘-o͘-jī sī hit-nî siōng-hó ia̍h siōng-koân ê sêng-chek)
Remove ads
Chham-khó Chu-liāu
Gōa-pō͘ Liân-kiat
Wikiwand - on
Seamless Wikipedia browsing. On steroids.
Remove ads