Tamaulipas Chiu

Tamaulipas Chiu (Se-pan-gâ-bûn: Estado Libre y Soberano de Tamaulipas) sī Be̍k-se-ko ê chi̍t ê chiu.

Tamaulipas Chiu
—  Chiu  —
Estado Libre y Soberano de Tamaulipas
Kî-á
Tamaulipas Chiu ê uī-tì Tamaulipas Chiu
Kok-ka	Be̍k-se-ko
Siú-hú	Ciudad Victoria
Bīn-chek
- Lóng-chóng	80,175 km2
Jîn-kháu
- Lóng-chóng	3,268,554 lâng
- Bi̍t-tō͘	40.8/km2
Sî-khu	CST (UTC-6)
- Joa̍h-tang	CDT (UTC-5)

Tē-lí

Pún chiu ūi tī leh Be̍k-se-ko tang-pak-pō͘, tang-lâm-pêng ū Veracruz, sai-lâm-pêng sī San Luis Potosí, sai-pêng koh ū Nuevo León. Pa-pêng sī kap Bí-kok 370 kong-lí tn̂g ê Bí Be̍k pian-kài, tùi-bīn sī Bí-kok ê Texas.

Le̍k-sú

Chá-kî Tamaulipas pún-lâi ū Olmec lâng teh seng-oa̍h, khak òaⁿ, koh ū Chichimec kap Huastec pō͘-cho̍k. Tī 1445 nî kàu 1466 nî kî-kan, Moctezuma 1-sè Ilhuicamina niá-chhōa ê Mexica (Aztec) sè-le̍k cheng-ho̍k chia tōa-hūn ê thó͘-tē, siu in chò tè-kok ê tiâu-kòng tē-hng. Chóng-sī chia iû-bo̍k bîn-cho̍k it-ti̍t bô goân-choân hō͘ Aztec lâng khòng-chè.

Hernán Cortés cheng-ho̍k liáu Aztec liáu-āu, Tamaulipas tī 16 kàu 17 sè-kí kî-kan Se-pan-gâ î-bîn chiām-chiām lâi kàu chia seng-oa̍h, siāng chá tī 1554 nî in kiàn-li̍p liáu Tampico chng-siā.

1746 nî, Sin Se-pan-gâ khai-siat Nuevo Santander séng-hūn, sī kin-á-ji̍t ê Tamaulipas thâu chi̍t pái hông hun-lî siat chò hêng-chèng-khu.

1824 nî, Tamaulipas chiâⁿ chò sin to̍k-li̍p ê Be̍k-se-ko kiàn-kok chiu-hūn.

Keng-chè

Tamaulipas pak-pō͘ ê keng-chè hêng-sek khah óa-kīn Texas, sī lông-gia̍p kiam kok khoán kang-gia̍p. Lâm-pō͘ chú-iàu ê sán-gia̍p sī chio̍h-hòa kang-gia̍p.

Che sī chi̍t phiⁿ koan-î Be̍k-se-ko tē-lí ê phí-á-kiáⁿ. Chhiáⁿ tàu khok-chhiong.