TypeScript
From Wikipedia, the free encyclopedia
Remove ads
TypeScript (ing-gú: TypeScript) sī-iû Microsoft khai-huat kah uî-hōoê bián-huì khui-guân pian-tîng gú-giân. TypeScript sī JavaScript ê giâm-keh gú-huat tshiau-tsi̍p (superset), pīng-tshiánn uī gú-giân thinn-ka ē-tàng suán-ti̍k ê tsīng-thài luī-hîng. TypeScript tsuan-uī khai-huat tuā-hîng ìng-iōng tîng-sū hām tsuán-i̍k tsò JavaScript jî-lâi siat-kè.[5] Iû-î TypeScript sī JavaScript ê tshiau-tsi̍p (superset), hiān-iú ê JavaScript tîng-sū mā sī ū-hāu ê TypeScript tîng-sū.
TypeScript ē-tàng iōng teh khai-huat iōng-hōo-tuann kah ho̍k-sāi-tuann tsip-hîng ê JavaScript ìng-iōng tîng-sū (pí-jû Node.js hi̍k-tsiá Deno). Ū tsiânn-tsē suán-ti̍k ē-tàng iōng teh tsuán-i̍k. Ē-sái sú-iōng bi̍k-jīm ê TypeScript pian-i̍k-khì,[6] hi̍k-tsiá ē-tàng tiâu-iōng Babel pian-i̍k-khì kā TypeScript tsuán-uānn tsò JavaScript.
TypeScript tsi-tshî ē-sái pau-hâm hiān-iú JavaScript sòo-kì-khòo ê luī-hîng sìn-sit ê tīng-gī bûn-kiānn, tō tshin-tshiūnn C++ sìn-thâu tóng-àn ē-sái biâu-su̍t hiān-iú bo̍k-piau tóng-àn ê kiat-kòo kāng-khuán. Tse tì-sú kî-thann tîng-sū ē-tàng sú-iōng tóng-àn tang-tiong tīng-gī ê ti̍t, tō tshin-tshiūnn in kan-na sī tsīng-thài luī-hîng ê TypeScript si̍t-thé kāng-khuán. jQuery, MongoDB kah D3.js tíng-tíng siū huan-gîng ê sook-i-khòo lóng-ū tē-3 hong ê sìn-thâu tóng-àn. Node.js sòo-kì-khòo bôo-pán ê TypeScript sìn-thâu (headet) mā ē-tàng sú-iōng, ún-tsún teh TypeScript tang-tiong khai-huat Node.js tîng-sū.[7]
TypeScript pian-i̍k-khì pún-sin sī iōng TypeScript sóo pian-siá ê, pīng-tshiánn pian-i̍k tsò JavaScript. TypeScript kin-kì Apache tsìng-tsiàu 2.0 hik-tik hí-khó. Anders Hejlsberg, C# ê siú-si̍k káng-su, Delphi hām Turbo Pascal ê tshòng-kiàn-tsiá, it-ti̍t tì-li̍k teh TypeScript ê khai-huat.[8][9][10][11]
Remove ads
Li̍k-sú
King-kuè nn̄g-nî ê Microsoft lāi-pōo khai-huat, TypeScript tī 2012-nî 10-gue̍h hiòng kong-tsiòng huat-pòo, pán-pún uî 0.8.[12][13] Thâu-tsi̍t-pái kong-khai huat-pòo liáu-āu bô-guā-kú, Miguel de Icaza tshing-tsàn tsit-ê gú-giân pún-sin, m̄-kú phue-phîng tû-liáu Microsoft Visual Studio tsi-guā khiàm-khueh sîng-si̍k ê IDE tsi-tshî, tong-sî teh Linux kah OS X tíng-kuân bē-sái iōng.[14][15] Tsia̍t-tsí 2021-nî 4-gue̍h, kî-thann IDE kah bûn-pún pian-tsi̍p-khì lóng ē-tàng tit-tio̍h tsi-tshî, pau-kuat Emacs, Vim, WebStorm, Atom[16] kah Microsoft ka-kī ê Visual Studio Code.[17] TypeScript 0.9, tī 2013-nî huat-pòo, tsing-ka tuì huān-hîng ê tsi-tshî.[18]
TypeScript 1.0 tī 2014-nî teh Microsoft ê Build khai-huat-tsiá tāi-huē tíng-kuân huat-pòo.[19] Visual Studio 2013 Update 2 thê-kiong tuì TypeScript ê lāi-tìtsi-tshî.[20] 2014-nî 7-gue̍h tsìn-hîng tsìn-tsi̍t-pōo kái-tsìn, tong-sî khai-huat thuân-tuī suan-pòo sin-ê TypeScript pian-i̍k-khì, sing-tshing sìng-lîng thê-ko 5-puē. Tông-sî, siōng-thâu-á thok-kuán teh CodePlex tíng-kuân ê guân-tāi-bé í-king î-suá tsì GitHub.[21]
2016-nî 9-gue̍h 22-ji̍t, TypeScript 2.0 huat-pòo, ín-ji̍p tsiânn-tsē hāng kong-lîng, pau-kuat ting-su-guân ē-tàng suán-ti̍k kiông-tsè tsip-hîng null an-tsuân ê lîng-li̍k,[22] Ū-tang-sî-á hông kiò-tsò 10 ik bí-guân ê tshò-gōo.
TypeScript 3.0 tī 2018-nî 7 gue̍h 30-ji̍t huat-pòo[23] tsah-lâi tsiânn-tsē gú-giân hù-ka kong-lîng, pí-jû tsīng-thîng tsham-sòo hām khok-tián piáu-ta̍t-sik tang-tiong ê sūn-sū-tsoo (tuple), sūn-sū-tsoo luī-hîng ê tsīng-thîng tsham-sòo, thong-iōng tsīng-thîng tsham-sòo tíng-tíng.[24]
TypeScript 4.0 tī 2020-nî 8-gue̍h 20-ji̍t huat-pòo.[25] Sui-jiân 4.0 bô ín-ji̍p jīm-hô tiōng-tāi ê king-kái, m̄-kú TypeScript thinn-ka tsu-jû ka-kī tīng-gī JSX kang-tiûnn kah khó-piàn sūn-sū-tsoo luī-hîng tsi luī ê gú-giân ti̍k-sìng.[25]
Remove ads
Tsù-kái
Tsham-khó bûn-hiàn
Tsham-ua̍t
Guā-pōo liân-kiat
Wikiwand - on
Seamless Wikipedia browsing. On steroids.
Remove ads