感應器
From Wikipedia, the free encyclopedia
感應器(粵拼:gam2 jing3 hei3),又叫 sensor(粵拼:sen1 saa2*4)係機械一種,一部感應器會曉探測某啲事件或者環境改變嘅機械,而且仲識將佢探測到嘅嘢以某啲訊號嘅型式,傳去某啲電子架生嗰度[1][2]。
到咗廿一世紀,感應器係好多機械當中都會用到。日常生活常見嘅例子就有𨋢嘅掣(會對人手施嘅壓力有反應,並且將訊號傳去架𨋢嘅控制器嗰度)以及簡單嘅開關(會對人手施嘅壓力有反應,並且將訊號傳去部機械嘅控制器嗰度);另一方面,科研上又會用多種嘅感應器,用感應器量度要研究嘅變數,並且用呢啲資訊驗證佢哋想驗證嘅假說同理論[1][3]。