訊號
From Wikipedia, the free encyclopedia
舉個例,想像家陣有兩個人,A 君同 B 君;而家 A 君要去遠行,佢希望有能力遠距離傳資訊俾 B 君,等佢有得向 B 君報告行蹤;於是佢哋兩個事先講定個方案,搭好嗮電線,用電訊號嚟傳羅馬字母-A 君同 B 君講,佢想傳資訊嗰陣,會傳一連串上上落落嘅電壓,一行資訊有嘅電壓數量實會係 4 嘅倍數,而每 4 個電壓用嚟代表一個字母;然後佢仲講明,上上上上(1111)代表 A,上上上下(1110)代表 B,上上下下(1100)代表 C... 如此類推;用數學化啲嘅方式表達即係[3][4]:
跟住當 A 君去咗好遠嘅地方,佢向 B 君傳咗一串上上落落嘅電壓嗰時,B 君可以攞住個解讀方案,解讀返 A 君傳嗰一串 0 同 1 係想講乜-每吓呢啲上上落落嘅電壓就係一個訊號。而事實係,呢種用電壓上落傳達資訊嘅做法,正正就係廿世紀電子工程嘅基礎。
廣義化啲嘅話,任何有得喺時空當中變化嘅物理量都可以攞嚟做息伮[5]:包括影像、聲以至電磁波等都可以攞嚟做息伮-只要傳息伮嘅人(觀察者)之間有一套共同嘅方案,講明邊款息伮代表咩資訊,嗰啲息伮就會傳得到資訊。喺廿一世紀嘅科技裏面,聲(例如日常講嘢)、電磁波(例如電視嘅天線)同電壓上落(例如電子架生)等嘅物理量都有俾人攞嚟做息伮[3][6]。