山東的漢語官話方言 From Wikipedia, the free encyclopedia
膠遼官話係官話嘅一個分支,相信會係由古萊語(「齊東野人之語」)畀北方官話同化後形成嘅語言分支,所以同時都有稱之作萊語[1]。俗稱膠東話(各地有各自嘅叫法,例如大連話、煙台話、青島話等)。
主要分佈喺膠東半島、遼東半島、鴨綠江、烏蘇里江,共44個縣市,此外喺遼寧其它地區同黑龍江有方言島,分登連、青州同埋蓋桓三片。
上古嘅時候呢度係當成夷語區,到春秋戰國嘅時候,膠東半島仲係中原人同萊人嘅雙語區。研究推測係直到隋唐嘅時代,呢一帶先至俾中原嘅語言全面咁影響[1]。
本章節先根據返正式文獻嘅表述,列出膠遼官話同其他官話唔同嘅特點[2]:
據同一資料歸結返,膠遼官話係有較大嘅內部差異:喺山東度,向東越近山東半島嘅尖角,啲語音嘅特異性就越突出。而喺遼寧度就係越近南,就有越突出嘅特點。而遼寧同山東之間總體度都有啲差異,似山東嘅膠遼官話絕大多地頭有分尖團音,不過遼寧度除咗長海一度外,其他地頭一般就唔分尖團音。
具體嘅分佈地區主要係:
登連片:遼寧省嘅大連、長海、瓦房店、普蘭店、莊河、東港、丹東,山東省嘅威海、榮成、文登、乳山、 煙台、牟平、海陽、長島、蓬萊、龍口、福山、招遠、 棲霞、萊陽、萊西,黑龍江省嘅虎林方言島、二屯子方言島(撫遠三角洲附近)
青州片:山東省嘅萊州、平度、即墨、青島、膠州 、高密、昌邑、寒亭、壽光、濰坊、青州、昌樂、臨朐、安丘、諸城、膠南、五蓮、日照、莒縣、莒南、沂水、沂南、蒙陰、沂源,此外仲包括江蘇省連雲港市嘅贛榆縣。
青州片基本全部喺山東省境內。特別嘅,江蘇省連雲港市嘅贛榆縣一般亦被認為屬於膠遼官話嘅青州片(亦有認為屬於登連片嘅說法),歷史上1949至1953年贛榆縣一度劃歸山東省,歸屬臨沂地區。
青州片主要下分三個小片:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.