蕭澤頤

蕭澤頤（英文：SIU Chak-yee, Raymond，1966年4月2號—）係前香港警務人員。

蕭澤頤
出生日	1966年4月2號  （59歲）
出生地	英屬香港
職業	差人
[改維基數據]
睇 傾 改

簡歷

1988年，蕭澤頤加入香港警隊，任職見習督察。2007年升爲高級警司，先後任職葵青警區副指揮官同機場警區指揮官；2013年升爲總警司，接掌九龍城警區。完成任期後出任人事部人力資源科總警司。2017年1月升爲助理處長，掌管人事部。2018年11月升爲高級助理處長，接管行動處處長。2019年11月再升爲副處長〔行動〕。

蕭澤頤服務警隊期間喺多個唔同性質嘅崗位服務，主要駐守前線行動單位，亦擔任過刑事情報相關職務同派駐人事部。在職期間喺多間院校修讀外地發展課程，當中包括清華大學、史丹福大學、哈佛大學同國家行政學院。

2021年6月23號，中華人民共和國國務院根據香港特別行政區行政長官林鄭月娥嘅提名同建議，任命蕭澤頤爲警務處長^[1][2]，到2025年4月1號卸任。

傳聞

2022年1月9號，升旗易得道引述線報，獨家披露蕭澤頤啲老婆仔女一律喺2021年9月投奔澌與其僱主敵對嘅英國，可能係對中共同香港政權唔忠誠嘅表現；當事人同政府都沉默以對；該報道補充，噉樣叫做「祼官」，由於係貪污腐敗嘅常用手段，喺大陸官場係禁忌^[3]。