Undertale
托比·霍士做嘅一款角色扮演遊戲 / From Wikipedia, the free encyclopedia
《Undertale》(粵譯:地底傳說或者傳說之下)係由托比·霍士(Toby Fox,id係tobyfox)做嘅一款角色扮演遊戲,2015年9月15號出版。喺遊戲入面,玩家要控制一位跌落地底世界,俾魔法屏障隔開嘅人類細路。玩家嘅任務就係要將佢帶返地面,探索充滿城鎮同山窿嘅地下世界,並喺旅途入面解開無數嘅謎題。遊戲嘅特色係佢特殊嘅戰鬥系統,玩家要避開對手嘅彈幕攻擊,可以選擇寬恕(mercy)或者攻擊(fight)佢哋。呢啲選擇會影響到遊戲入面嘅對話、人物、故事同結局。
呢個遊戲喺上市之後受到遊戲評論家嘅好評,讚遊戲入面嘅幽默元素、直觀嘅戰鬥系統、音樂獨創性同埋劇情入面同角色深刻嘅情感連結。最後遊戲嘅銷售量超過咗一百萬份,俾人提名過好多榮譽同埋獎項。
2018年10月31日,由Toby Fox推出咗一款有相似角色設定嘅遊戲《Deltarune》,有同Undertale相似嘅設定,可以係Windows同埋macOS嘅平台上面免費玩。 好多人都以為Deltarune嘅Undertale嘅續作,但係佢其實係同Undertale冇關嘅另一款遊戲,Toby話個正式版會係未來7年之內推出。
此外,有擁躉用咗6年時間自製另一款遊戲《Undertale Yellow》作為Undertale嘅前傳,暫定2022年冬季推出。[1]