劉健儀

劉健儀，GBS，OBE，JP（Miriam LAU Kin-yee，1947年4月27號—）係香港立法會航運交通界功能界別前議員。

劉健儀
出生日	1947年4月27號  （78歲）
出生地	廣州
國籍	中華人民共和國
母校	香港大學、澳門大學、瑪利諾修院學校
職業	律師、政治人
政黨	自由黨
[改維基數據]
睇 傾 改

履歷

劉健儀喺廣州出世，幾歲大嗰時同屋企人移民去香港，香港大學英文系畢業。

後來劉健儀好多屋企人移民去咗加拿大，但佢自己就決定留喺香港。

公職

歷任區域市政局議員、撲滅罪行委員會委員、香港法律改革委員會委員、香港法律改革委員會轄下嘅監護權及撫養權小組委員會主席、懲教署人員子女教育信託基金委員會主席、紀律人員薪俸及服務條件常務委員會主席、保安及護衛業管理委員會主席、立法局議員（1988年—1997年）、臨時立法會議員。現任自由黨副主席。1998年起循航運交通界晉身立法會議員，曾任該會交通事務委員會主席。2003年起出任內務委員會主席，成為立法會嘅第二號人物，當主席范徐麗泰唔能夠主持會議時，由佢代理，所以議員都叫佢做代主席。

劉健儀曾主持過多部法案嘅審議工作，包括《2001年九廣鐵路公司（修訂）條例草案》、《2003年道路交通（修訂）條例草案》《2005年收入（取消遺產稅）條例草案》同《截取通訊及監察條例草案》等。

2022年8月中，劉健儀、周梁淑怡同田北俊一齊退出自由黨。

部分公職

• 香港中華總商會婦女委員會委員^[1]

個人榮譽

• 非官守太平紳士（1991年）^[2]
• 大英帝國官佐勳章（1992年）
• 金紫荊星章（2004年）^[3]