原住民保留區

  提示：呢篇文講嘅唔係印第安保留地。

原住民保留區^{[註 1]}，簡稱保留區^{[註 2]}（英文：reserve，法文：réserve），又譯原住民保留地^{[註 3]}、印第安人保留地^{[註 4]}（英文：Indian reserve，法文：réserve indienne），係加拿大聯邦政府喺印第安人法案之下畀第一民族^{[註 5]}用嘅一種地，一般嚟講，雖然話係畀原住民用，但係仍然係官地，亦即係居民冇地權^[1]。呢啲保留區分散喺加拿大國境唔同地方；喺2015年，八成居民生活喺貧窮線之下^[2]，但係對於好多原住民，保留區入面仍然安全過出面^[3]。

保留區係1876年印第安人法案嘅產物，喺原先嘅制度下，喺保留區嘅原住民全部變哂國家嘅受監護者^[4]；喺加拿大西部，1885年開始，居民一度係連出入嘅自由都冇，出保留區要申請過路證^[暫譯]，情況維持咗60年^[5] 。

市區保留區

喺原本嘅制度下，保留區都唔會喺市區，但係1988年開始，有啲原住民部落^[暫譯]喺市區買地，嚟建立新嘅保留區，呢啲唔係官地、喺市區、但係又係保留區嘅地方叫市區保留區^[暫譯]（urban reserves）^[6]。