古以色列人

  提示：呢篇文講嘅唔係以色列人或猶太人。

古以色列人（/ˈɪzrəlaɪts, -riə-/，^[1][2] 希伯來文：בְּנֵי יִשְׂרָאֵל，羅馬化：Bənēy Yīsrāʾēl，意思係  ｢以色列之民｣）係一班閃語族群嘅部落，喺鐵器時代期間住喺迦南地^[3][4][5][6]。

古以色列人嘅會幕嘅模型

“以色列”呢個名，最先喺法老麥倫普塔（英文：Mernaptah）喺主前1200年代所寫嘅版塊出現。現代嘅考古學發現，古以色列人係由迦南人分支出嚟，之後發展咗圍繞住耶和華嘅一神論宗教^{[7][8][9][10][11]}。佢哋講迦南話嘅一種方言，之後演變成爲聖經希伯來文^[12]。喺鐵器時代期間，以色列聯合王國出現咗。喺王國分裂之後，北國以色列喺主前720年代俾亞述毀滅^[13]，而南國猶大就喺主前586年俾巴比倫消滅^[14]。古以色列人有部分俾人驅逐咗去巴比倫，但係喺居魯士大帝掌權之後，佢哋返咗去以色列^[15][16]。

根據《聖經》記載，以色列人係雅各嘅後代，之後改咗名叫“以色列”。喺經過迦南地嘅一次旱災之後，雅各同佢嘅12個仔逃咗去古埃及，成爲以色列十二支派。以色列人喺埃及耐咗之後成爲咗奴隸，並喺摩西嘅帶領之下，成功逃離埃及，喺約書亞之下，成功佔據迦南。

大部分嘅學家都認爲妥拉嘅記載並唔完全合乎現實，反而係一種國家神話，但係内容嘅中心應該有真實嘅歷史背景^[17]。聖經所提及嘅聯合王國亦同樣受唔同嘅學家質疑^[18][19]。

猶太人同撒瑪利亞人都係以古以色列人為祖先^{[20][21][22][23]}。猶太人嚟自猶大支派、便雅憫支派、同部分嘅利未支派。撒瑪利亞人嚟自約瑟支派入面嘅以法蓮支派同瑪拿西支派、同埋留咗喺迦南地嘅利未支派。有其他族群都有聲稱嚟自古以色列人。

睇埋

• 猶太人
• 摩西五經
• 以色列十二支派