可用度檢測

可用度檢測，喺人機互動等領域上，係指靠可用度專家用客觀方法親自評估個系統嘅可用度。例如認知走查法就係一種成日用嘅可用度檢測法，設計者用認知走查法嗰陣，佢首先要列出晒「如果用家想要用隻軟件達到某樣效果，需要經過邊啲步驟」噉嘅資訊，例如評估緊某隻繪圖軟件，佢就要列出用家想增加幅圖片嘅光度嗰陣需要撳邊個掣，然後就每個步驟，設計者都會問：

• 用家能唔能夠輕易睇得出要撳邊個掣？
• 用家能唔能夠理解隻軟件對功能嘅描述？

等等。然後可以想像設計者會一路做以上嘅思考，一路做到評估晒隻軟件嘅各種功能為止^[1][2]。

睇埋

• 可用度
• 用家體驗