「政務院」跳轉到呢度。想搵北朝鮮喺1972年到1998年間嘅國家行政機關，請睇「
朝鮮民主主義人民共和國內閣」。
呢版講嘅係中華人民共和國現行憲法下嘅中央人民政府，想搵1949年到1954年間嘅中華人民共和國中央政府，睇下【
中華人民共和國中央人民政府 (1949–1954)】。
中華人民共和國國務院，簡稱國務院，係中華人民共和國嘅最高國家行政機關，相當於好多國家嘅內閣。根據《中華人民共和國憲法》，國務院係最高國家權力機關（即全國人民代表大會）嘅執行機關，亦即中華人民共和國中央人民政府（簡稱中央人民政府）[註 1]。亦係憲法規定，國務院由以下人員組成：總理、副總理（若干）、國務委員（若干）、各部部長、各委員會主任、審計長、秘書長。成個國務院由總理負責，之下嘅各部、各委員會由對應嘅部長、委員會主任負責[註 2]。
國務院係1954年根據第一屆全國人民代表大會決議通過憲法而成立，而佢嘅前身係政權建立初期（1949年~1954年）嘅中央人民政府政務院（簡稱政務院），不過政務院相比現時嘅國務院，地位低啲、權限細啲，國務院就係中央人民政府，而政務院只係中央人民政府嘅組成部份；另外政務院冇權管軍事，所以冇國防部[2]。現任國務院總理係李強，副總理係韓正、孫春蘭、胡春華、劉鶴。
「政務院」跳轉到呢度。想搵北朝鮮喺1972年到1998年間嘅國家行政機關，請睇「朝鮮民主主義人民共和國內閣」。