孟買
From Wikipedia, the free encyclopedia
Remove ads
地圖
孟買（馬拉地文：मुंबई， Muṃbaī /mumbəi/；英文：Mumbai，印地文：मुम्बई ），1995年前正式名又稱作Bombay（馬拉地文：बॉम्बे），舊唐話（廣東話）叫作望買[3]，係印度馬哈拉施特拉邦首府，住咗一千三百萬人，係世界上其中一個人口好稠密嘅都市。
Remove ads
港
.jpg)
孟買有兩個主要港口，一個係尼赫魯港，另一個就係孟買港。尼赫魯港處理全印度六成嘅貨櫃貨物，而孟買港就主要處理印度西北部嘅傳統貨物，所以可以講孟買地區係印度嘅海上門戶。印度海軍嘅西部艦隊司令部基地同埋造船廠都喺度。
交通
孟買嘅公共交通包括孟買近郊鐵路、單軌鐵路、孟買地鐵、BEST巴士、的士、三輪車、渡輪同埋飛機。
孟買近郊鐵路有中央鐵路（CR）同西部鐵路（WR）兩個網絡。中央鐵路以查特拉帕蒂・希瓦吉終點站（印度最多人用嘅車站）做總站，覆蓋市中心、東北部、東南部同埋近郊地區。西部鐵路以教堂門站做總站，主要覆蓋市西部同埋近郊地區。2014年6月8號，孟買地鐵一號綫開通。車廂係中國嘅中車南京浦鎮車輛製造嘅[4]。長途鐵路方面，印度鐵路將孟買同全國各大城市連接起嚟。
BEST（孟買電力交通公司）負責運營市內巴士，覆蓋咗大部分市區。佢哋有雙層巴士同冷氣巴士，市民多數用巴士做短中程通勤。因為鐵路喺長途通勤時可以慳錢，但係短中程通勤嘅話巴士反而平啲。另外，的士（黑黃雙色車身）同三輪車都係市民嘅重要交通工具。
查特拉帕蒂・希瓦吉國際機場位於市中心34公里外，係空中門戶，亦係南亞最繁忙嘅機場。孟買處理咗印度全國25%嘅國內航班同38%嘅國際航班。由日本飛嘅話，全日空（ANA）同印度航空都有由成田國際機場飛孟買嘅直航航班。
Remove ads
觀光
英國旅遊指南《Rough Guides》喺2014年公布嘅「全球最迷人嘅20個城市」排名中，孟買市排第5，係亞洲最高排名。
孟買市內嘅主要旅遊景點有：
- 坎黑里石窟群 - 公元前1世紀左右開始建造嘅109個古代佛教石窟寺院群。
- 象島石窟群 - 被聯合國教科文組織列為世界遺產嘅印度教石窟寺院（編號244）
- 尚卡爾石窟
- 印度門 - 高26米，係港口城市孟買嘅標誌。1911年為紀念英國當時嘅國王佐治五世同瑪麗王后訪問印度而建，採用16世紀古吉拉特邦嘅建築風格。
- 泰姬陵酒店
- 查特拉帕蒂・希瓦吉站（前身係維多利亞終點站） - 被聯合國教科文組織列為世界遺產（編號945）
- 喬帕蒂海灘
- 查特拉帕蒂・希瓦吉博物館（前身係威爾斯王子博物館）
- 教堂門（印度西部鐵路總部）
- 馬尼巴文 - 印度國父聖雄甘地由1917年至1934年住過嘅屋。而家變咗甘地博物館。
- 孟買高等法院 - 1878年建成嘅哥特式建築。作為孟買維多利亞哥特式同裝飾藝術建築群嘅一部分，喺2018年被列入聯合國教科文組織世界遺產（編號1480）
- 朱胡海灘
- 國立現代藝術館 - 位於賈漢吉爾公共大廳
- 桑賈伊・甘地國家公園
氣候
孟買地處熱帶，瀕臨阿拉伯海，氣候大體可分做兩個主要季節：濕季同乾季。濕季喺5月到10月之間，特點係濕度好高，氣溫超過30℃。喺6月到9月之間，季風帶嚟大量降雨，佔年降雨量2,200毫米嘅絕大部分。乾季喺11月到4月之間，特點係濕度中等，氣溫溫暖到炎熱。喺1月到2月期間，涼爽嘅北風帶嚟寒意。通常全年溫度喺11℃到38℃之間。
Remove ads
參考
Wikiwand - on
Seamless Wikipedia browsing. On steroids.
Remove ads