廣州起義紀念館

 廣州起義紀念館（粵拼：gwong2 zau1 hei2 ji6 gei3 nim6 gun2） ，又叫廣州公社舊址gwong2 zau1 gung1 se5 gau6 zi2，係由中國共產黨嘅張太雷領導發動嘅廣州起義先至起咗嘅蘇維埃政府所講嘅「廣州公社」。而呢間嘢喺中國廣東省廣州市越秀區廣州起義路200號之一，之前嘅中華民國國民政府所屬嘅廣東省立公安局就係喺呢度。

廣州公社舊址
中華人民共和國 全國重點文物保護單位
喺邊	廣東省廣州市
類	革命遺址同革命紀念建築
時代	1927年
冧	1-16
登錄	1961年
地圖

史

1927年12月11號，張太雷等人喺廣州爆發咗起義，而工人赤衛隊就開始攻打喺維新路（而家係廣州起義路）嘅廣東省立公安局，到咗12號晏晝，廣州蘇維埃政府就喺呢度宣佈成立。結果廣州起義肥佬咗，之後蘇維埃政府就廢埋。雖然話廣州公社凈係出咗3日，但佢係中國大城市入面，第一個起嘅蘇維埃政府，佢重俾人話咗係「東方巴黎公社」。

廣州公社舊址嘅文物牌

廣州起義紀念館嘅正門

喺1949年解放軍霸咗廣州之後，公安局俾廣州市人民政府接咗，重喺呢度起廣州市公安局。到咗1956年，廣州市人民政府就將南樓起成廣州起義陳列室，重開放埋添^[1]。1987年，廣州市公安局將舊址嘅南樓、中樓同門樓呢啲建築畀嗮文物部之後就將舊址維修，重成立咗廣州起義紀念館。之前葉劍英喺呢度起咗「廣州公社舊址」呢6個標題字。但係，由於廣州市公安局冇乜辦公場所用地嘅關係，到咗2005年底，廣州市公安局先至向文物部門轉嗮凈低嘅舊址北樓同拘留所^[2]。喺2006年開始重新裝修過紀念館。喺裝修嗰陣，重喺舊址嘅北樓挖咗炮彈、手槍等文物出嚟^[3]。而呢個維修工程一直到2007年先至結束，而家呢間嘢係重新開放咗。

雖然話廣州市公安局最後將舊址冚唪唥轉嗮出去，但而家同廣州市國家安全局一樣，重喺廣州起義紀念館隔離，同廣州起義紀念館一齊用同一個門牌冧巴。喺1961年俾國務院劃咗入去全國重點文物保護單位嘅同時，重將廣州起義紀念館轉畀咗廣東革命歷史博物館嗰邊。