香港語言學學會粵語拼音方案
標準粵語嘅拼音方案 From Wikipedia, the free encyclopedia
Remove ads
Remove ads
各方應用
呢套方案目前得到香港教育、電腦中文資訊處理等多方面嘅支持。基於粵拼嘅拼音輸入法亦都發展得相當成熟。除咗香港，台灣同日本亦都有使用呢套方案嘅輸入系統出售，中國大陸都有民間人士據此製作嘅輸入方案。方案得到政府、商界、學界等廣泛認同。[3]
- 香港特區政府嘅中文界面諮詢委員會自從1999年成立開始，就一直用呢套方案作為工作上唯一嘅粵音拼式。[4]佢哋頒佈嘅文件，例如《電腦用漢字粵語拼音表》，都係用呢個方案[5]。
- 《商務新詞典》2009版用呢套方案做粵音注音系統。[3]
- Windows Vista 將「粵拼」預設為其中一種輸入法。[3]
- 香港中文大學人文電算研究中心嘅《粵語審音配詞字庫》[6]、《粵語音韻集成》[7]及《黃錫淩粵音韻彙電子版》[8]都係用呢套方案做預設嘅注音系統。
- 香港中文大學中國語言及文學系嘅《現代標準漢語與粵語對照資料庫》亦係以呢套方案做注音系統。[9]
- 香港中文大學自學中心嘅粵語學習工作坊以佢嚟做注音系統。[10]
- 香港大學中文學院漢語中心，係用呢套方案作為注音系統，教授粵語發音。[11]
- 香港大學教育學院非華語學生中文學習支援計劃，亦用佢做注音系統教導非華語學生學習粵語。[12]
- 「《粵典》計劃」亦都用佢做注音系統。[13][14]
- 香港理工大學中文及雙語學系嘅網上漢字輸入系統，以呢套案為注音系統。[15]
- 香港城市大學翻譯及語言學系設立「粵語拼音資源站」以推廣這方案。[16]並推行這方案以糾正懶音。[17]
- 香港教育學院（今香港教育大學）語言學及現代語言系嘅《香港二十世紀中期粵語語料庫》用此方案作為注音系統。[18]
- 香港教育大學語言學及現代語言系嘅粵語自學平台[19]，亦都採用粵拼。負責粵語自學平台嘅片岡新教授表示，好多學者都認為粵拼係最好嘅方案，網上資源又比較多，學生學識粵拼後，自己打字都好方便。[20]
- 粵音朗讀測試採用呢個方案爲各篇香港中文同粵文篇章標註發音，畀應考者備試時參考[21][22]。
- 《欽州白話》採用按欽州白話音系增改過嘅粵拼作為注音系統[23]。
Remove ads
字母表
粵拼嘅拼音字母由拉丁字母 a 至 z 組成，其中 q、r、v、x 唔會用。字調就以阿拉伯數字 1 至 6 標示。
聲母
總共19個，如下表所示：
韻母
韻腹
總共9個，如下表所示：
韻尾
總共8個，如下表所示：
韻母表
韻腹加韻尾組成粵拼嘅韻母，1993年原方案總共56個[24]，2018年新增兩個，去到58個[1]：
（方括號內為國際音標，所有例字都淨係取其韻母）
- 掉、舔、夾係口頭語音，唔存在喺傳統讀書音入面。
- 韻母 a 同 oet 係 2018年新增嘅韻母[25]。
鼻音獨立韻
總共兩個，有：m（唔）、ng（吳、五），係單獨存在嘅鼻音音節。除咗 h ，佢哋唔同其他輔音組成音節。
Remove ads
聲調
聲調以阿拉伯數字 1 至 6 標示喺每個音節嘅拼音後面，聲調嘅數字唔使用上標標示：
- 實際上高陰入、低陰入、陽入聲調嘅音高，同陰平(1)、陰去(3)、陽去(6)係一樣嘅，呢啲入聲調用韻尾 -p、-t、-k 嚟區分。傳統聲調嘅定義，包括抑揚性（即係實際音高）同頓挫性。而入聲韻尾 -p、-t、-k 正正係影響咗頓挫性。所以粵語有「九聲六調」，標調時可以淨係計實際音高，用1至6六個數字，入聲睇韻尾字母區分就得。
例子
日常詞彙
拼寫例子
| 春曉 孟浩然 | Ceon1 Hiu2 Maang6 Hou6jin4 |
| 春眠不覺曉， | Ceon1 min4 bat1 gok3 hiu2, |
| 處處聞啼鳥。 | Cyu3 cyu3 man4 tai4 niu5. |
| 夜來風雨聲， | Je6 loi4 fung1 jyu5 sing1, |
| 花落知多少？ | Faa1 lok6 zi1 do1 siu2? |
優點
粵拼嘅優點係只用22個拉丁字母同埋6個阿拉伯數目字，所以方便輸入同印刷，亦會易學啲。
變化
Cantodict 等粵語詞典所用嘅粵拼同標準粵拼方案有少少唔同，包括：
- 表示聲調嘅數字用上標表示，而標準粵拼方案唔用上標；
- 用星號表示轉調，例如「
咁大 」，「咁大 」，「咁大 」。
同其他粵語拼寫方案比較
同教院拼音嘅分別
大多數粵語音素，粵拼同教育學院拼音方案一致。例外嘅有：
- 粵拼分別用 eo 同 oe 表示 /ɵ/ 同 /œː/，而教院拼音就用 oe 同時表示呢兩個元音。
- 粵拼用 eoi 表示 /ɵy/ ，而教院拼音就用 oey 。
- 粵拼用 z 表示 /ts/，而教院拼音就用 dz 。
- 粵拼用 c 表示 /tsʰ/，而教院拼音就用 ts 。
- 粵拼用 yu 表示 /y/，而教院拼音就用 y 。
- 粵拼有三個韻母：eu /ɛːu/、em /ɛːm/ 同埋 ep /ɛːp̚/。呢三個韻母係用嚟表示粵語口語之中一啲字嘅讀音，例如 deu6（掉）、lem2（舔）同埋 gep6（夾）。教院拼音本身冇呢三個韻母，不過可以類推出嚟，直接補上 eu 、em 同 ep 三個韻母。
- 粵拼表示聲調嘅數字唔使上標，而教院拼音表示聲調嘅數字預設係上標。高陰入、低陰入、陽入聲三個聲調，粵拼用 1、3、6，教院拼音用 7、8、9。
同耶魯拼音嘅分別
大多數粵語音素，粵拼同耶魯粵語拼音用同一拉丁字母表示。例外嘅有：
- 粵拼用 eo 同 oe 表示 /ɵ/ 同 /œː/，而耶魯拼音就用 eu 同時表示呢兩個元音。
- 粵拼用 j 表示 /j/，而耶魯拼音就用 y。
- 粵拼用 z 表示 /ts/，而耶魯拼音就用 j 。
- 粵拼用 c 表示 /tsʰ/，而耶魯拼音就用 ch 。
- 如果韻母 yu 前面冇聲母，粵拼要加聲母 j 喺 yu 之前，而耶魯拼音唔需要喺 yu 之前加聲母。
- 粵拼有三個韻母：eu /ɛːu/、em /ɛːm/ 同埋 ep /ɛːp̚/。呢三個韻母係用嚟表示粵語口語之中一啲字嘅讀音，例如 deu6（掉）、lem2（舔）同埋 gep6（夾）。耶魯拼音冇呢三個韻母，而且冇辦法類推出嚟粵拼嘅eu，因為耶魯拼音嘅 eu 已經用咗嚟表示 /ɵ/ 同 /œː/ 呢兩個元音。
- 粵拼用數字表示聲調，而耶魯拼音就用字母上嘅附加符號同埋 h 字母表示。
- 粵拼新增咗韻母 a 同 oet 兩個韻母，耶魯未有單獨成韻嘅 a ，而且冇辦法標 oet 韻母，因為耶魯用 eu 表示 oe 同 eo ，但係 eut 已經用咗嚟標 eot 韻母。
Remove ads
睇埋
出面網頁
註
Wikiwand - on
Seamless Wikipedia browsing. On steroids.
Remove ads